തലശ്ശേരി: തെരഞ്ഞെടുപ്പില് പൊരുതാന് ഒരുങ്ങി ദമ്പതികള്. കണ്ണൂരിലെ ഡിവൈഎഫ്ഐ നേതാക്കളായ എ മുഹമ്മദ് അഫ്സൽ-പിപി ശബ്നം ദമ്പതികളാണ് തദ്ദേശ തെരഞ്ഞെടുപ്പില് അങ്കത്തിനിറങ്ങുന്നത്. കണ്ണൂര് ജില്ല പഞ്ചായത്തിലേക്ക് കതിരൂര് ഡിവിഷനിലാണ് അഫ്സൽ പോരാട്ടത്തിന് ഇറങ്ങുന്നത്. ശബ്നം പാനൂര് മുനിസിപ്പാലിറ്റിയിലേക്കും. കന്നി മല്സരത്തിന് ഇറങ്ങുന്ന ഇരുവരും പ്രചാരണം തുടങ്ങി.
കണ്ണൂര് യൂനിവേഴ്സിറ്റി യൂണിയന് മുന് ചെയര്മാനായിരുന്ന കതിരൂര് സ്വദേശി അഫ്സല് നിലവില് ഡിവൈഎഫ്ഐ സംസ്ഥാന കമ്മിറ്റി അംഗമാണ്. എസ്എഫ്ഐ മുന് കേന്ദ്ര കമ്മിറ്റി അംഗവുമായിരുന്നു. കഴിഞ്ഞ ഫെബ്രുവരി ഒമ്പതിനായിരുന്നു ഇവരുടെ വിവാഹം. പുല്ലൂക്കര മുക്കില്പീടിക സ്വദേശിനിയായ ശബ്നം മാഹി ശ്രീനാരായണ കോളേജില് ബിഎഡ് വിദ്യാര്ഥിനിയാണ്. പാനൂര് മുനിസിപ്പാലിറ്റിയിലെ പതിനാറാം വാര്ഡിലാണ് ശബ്നം ജനവിധി തേടുന്നത്.
Read also: കോവിഡ് സെന്ററായ അഞ്ചരക്കണ്ടി മെഡിക്കല് കോളേജ് മാനേജ്മെന്റിന് കൈമാറി