തിരുവനന്തപുരം : കോവിഡ് രണ്ടാം തരംഗത്തിൽ സംസ്ഥാനത്ത് ഏറ്റവും കൂടുതൽ പേർ രോഗബാധിതരായത് 21നും 30നും ഇടയിൽ പ്രായമുള്ളവരാണെന്ന് വ്യക്തമാക്കി ആരോഗ്യവകുപ്പ് മന്ത്രി വീണ ജോർജ്. സംസ്ഥാനത്ത് 21നും 30നും ഇടയിൽ പ്രായമുള്ള 2,61,232 ആളുകൾക്കാണ് ഇതുവരെ കോവിഡ് സ്ഥിരീകരിച്ചത്. നിയമസഭയിലാണ് ആരോഗ്യമന്ത്രി ഇക്കാര്യം വ്യക്തമാക്കിയത്.
31നും 40നും ഇടയിൽ പ്രായമുള്ള ആളുകളാണ് രോഗബാധിതരായവരുടെ എണ്ണത്തിൽ രണ്ടാം സ്ഥാനത്ത് തുടരുന്നത്. സംസ്ഥാനത്ത് 31നും 40നും ഇടയിൽ പ്രായമുള്ള 2,52,935 പേർക്കാണ് രണ്ടാം തരംഗത്തിൽ കോവിഡ് സ്ഥിരീകരിച്ചത്. കൂടാതെ 41നും 50നും ഇടയിൽ പ്രായമുള്ള 2,33,126 പേർക്കും കോവിഡ് സ്ഥിരീകരിച്ചിട്ടുണ്ട്.
അതേസമയം സംസ്ഥാനത്ത് ഏറ്റവും കൂടുതൽ കോവിഡ് മരണം റിപ്പോർട് ചെയ്തിട്ടുള്ളത് 81 മുതൽ 90 വയസ് വരെ ഉള്ളവർക്കാണ്. ഈ പ്രായപരിധിയിലുള്ള 17,105 ആളുകൾക്കാണ് സംസ്ഥാനത്ത് രോഗം സ്ഥിരീകരിച്ചത്. ഇവരിൽ 502 പേർ ഇതുവരെ മരണപ്പെടുകയും ചെയ്തിട്ടുണ്ട്.
Read also : കോവിഡ് കർഫ്യൂ; ആന്ധ്രാപ്രദേശിൽ ജൂൺ 20 വരെ നീട്ടി