ന്യൂഡെൽഹി: രാജ്യത്തെ അകെ കോവിഡ് ബാധിതരുടെ എണ്ണം 98,84,100 ആയി. 30,000ത്തിൽ താഴെ കേസുകളാണ് ഇന്നും രേഖപ്പെടുത്തിയത്. 27,071 പുതിയ കേസുകളാണ് 24 മണിക്കൂറിനിടെ ഇന്ത്യയിൽ രജിസ്‌റ്റർ ചെയ്‌തത്‌. ഡിസംബർ മാസത്തിൽ ഇത് മൂന്നാം തവണയാണ് കോവിഡ് ബാധിതരുടെ എണ്ണം 30,000ത്തിൽ താഴെയാകുന്നത്.
336 കോവിഡ് മരണങ്ങൾ കൂടി ഇന്ത്യയിൽ റിപ്പോർട്ട് ചെയ്‌തു. ഇതോടെ ആകെ കോവിഡ് ബാധിച്ച് മരിച്ചവരുടെ എണ്ണം 1,43,355 ആയി. 3,52,586 സജീവ കോവിഡ് കേസുകളാണ് നിലവിൽ ഇന്ത്യയിലുള്ളത്.
ആകെ രോഗമുക്‌തി നേടിയവരുടെ എണ്ണം 93,88,159 ആയി. ആരോഗ്യ മന്ത്രാലയത്തിന്റെ ഔദ്യോഗിക കണക്കുകൾ പ്രകാരം ഞായറാഴ്‌ച വരെ 15,45,66,990 കോവിഡ് പരിശോധനകൾ രാജ്യത്ത് നടന്നു. ദേശീയ രോഗമുക്‌തി നിരക്ക് 94.98 ആയി ഉയർന്നു. രാജ്യത്തെ കോവിഡ് മരണനിരക്ക് 1.45 ശതമാനമാണ്.
Read also: കര്‍ഷക സമരം; പ്രതിരോധം ശക്‌തമാക്കാന്‍ കൂടുതല്‍ പോലീസ് സേന
