ന്യൂഡെൽഹി: കഴിഞ്ഞ 24 മണിക്കൂറിനിടെ രാജ്യത്ത് 13,742 കോവിഡ് കേസുകൾ കൂടി റിപ്പോർട് ചെയ്തു. 104 പേരാണ് കഴിഞ്ഞ ദിവസം കോവിഡ് ബാധിച്ച് മരിച്ചത്. 14,037 പേർ രോഗമുക്തി നേടിയതായും കേന്ദ്ര ആരോഗ്യമന്ത്രാലയം അറിയിച്ചു. ഇതോടെ രാജ്യത്ത് ആകെ സ്ഥിരീകരിച്ച കോവിഡ് കേസുകളുടെ എണ്ണം 1,10,30,176 ആയി. 1,07,26,702 പേർ രോഗമുക്തി നേടി. 1,56,567 പേരാണ് ഇന്ത്യയിൽ കോവിഡ് ബാധിച്ച് മരിച്ചത്. നിലവിൽ 1,46,907 സജീവ കോവിഡ് കേസുകളാണ് രാജ്യത്തുളളത്.
ഇന്ത്യയിലെ സജീവ കോവിഡ് കേസുകളുടെ 75 ശതമാനവും കേരളത്തിലും മഹാരാഷ്ട്രയിലുമാണെന്ന് അധികൃതർ അറിയിച്ചു. അതേസമയം, രാജ്യത്തെ 62 ശതമാനം ആരോഗ്യ പ്രവർത്തകരും കോവിഡിന് എതിരായ വാക്സിൻ സ്വീകരിച്ചതായി ആരോഗ്യമന്ത്രാലയം അറിയിച്ചു. 1,21,65,598 പേർ ഇതുവരെ ഇന്ത്യയിൽ വാക്സിൻ സ്വീകരിച്ചു.
Read also: പ്രധാനമന്ത്രി അടുത്തയാഴ്ച ജമ്മു കശ്മീർ സന്ദർശിച്ചേക്കും