മുംബൈ: മഹാരാഷ്ട്രയിൽ നാളെ മുതൽ ഭാഗിക ലോക്ക്ഡൗൺ ഏർപ്പെടുത്തി. രോഗവ്യാപനം ഉയരുന്ന സാഹചര്യത്തിൽ സംസ്ഥാനത്ത് ആഴ്ചാവസാനം ലോക്ക്ഡൗണും പ്രഖ്യാപിച്ചിട്ടുണ്ട്. ഹോട്ടൽ, പാർക്ക്, തിയേറ്ററുകൾ എന്നിവ അടച്ചിടും. സർക്കാർ സ്ഥാപനങ്ങളിൽ 50 ശതമാനം ജീവനക്കാർ മാത്രമേ ഹാജരാകാൻ പാടുള്ളു. രാത്രി 8 മണി മുതൽ ആവശ്യ സേവനങ്ങൾക്ക് മാത്രം അനുമതി നൽകും.
രാത്രി 8 മുതൽ രാവിലെ 7 മണി വരെ രാത്രികാല കർഫ്യൂ ഏർപ്പെടുത്തിയിട്ടുണ്ട്. അഞ്ച് പേരിൽ കൂടുതൽ ആളുകൾ കൂട്ടം കൂടുന്നത് നിരോധിച്ചു. ഗതാഗതത്തിന് നിലവിൽ നിയന്ത്രണങ്ങൾ ഇല്ലെങ്കിലും 50 ശതമാനം പേരെ മാത്രമേ പൊതുഗതാഗതത്തിന് അനുവദിക്കുകയുള്ളു. സിനിമാ ചിത്രീകരണങ്ങൾ അനുവദിക്കും, എന്നാൽ തിയേറ്ററുകൾ തുറക്കില്ലെന്ന് സംസ്ഥാന സർക്കാർ അറിയിച്ചു.
Read also: ജവാൻമാരുടെ വീരമൃത്യു; അനുശോചനം രേഖപ്പെടുത്തി മുഖ്യമന്ത്രി