കൊച്ചി: എറണാകുളം ജില്ലയിൽ കോവിഡ് രോഗികളുടെ എണ്ണം ഇന്നലെയും 5,000 കടന്നു. 5,492 പേർക്കാണ് ജില്ലയിൽ പുതിയതായി രോഗം സ്ഥിരീകരിച്ചത്. ഇതോടെ ജില്ലയിലെ ആകെ രോഗികളുടെ എണ്ണം 65,856 ആയി. 4052 പേർ രോഗമുക്തി നേടി.
അതേസമയം, ലോക്ക്ഡൗൺ നിയന്ത്രണം കർശനമാക്കുന്നതിന്റെ ഭാഗമായി പോലീസ് പരിശോധന ശക്തമാക്കുകയാണ്. റോഡുകളിൽ പോലീസിന്റെ നേതൃത്വത്തിലുള്ള സ്ക്വാഡുകൾ നിരീക്ഷണം നടത്തി. മതിയായ രേഖകൾ കൈവശം ഉള്ളവർക്ക് മാത്രമാണ് യാത്ര ചെയ്യാൻ അനുമതി. ജില്ലയിൽ ലോക്ക്ഡൗണുമായി ബന്ധപ്പെട്ട് ഇന്നലെ നടത്തിയ പരിശോധനയിൽ നിയമലംഘനം നടത്തിയ 172 പേർക്കെതിരെ കേസുകളാണ് രജിസ്റ്റർ ചെയ്തത്. ഗുരുതര ലംഘനം നടത്തിയ 59 പേരെ അറസ്റ്റ് ചെയ്യുകയും 82 വാഹനങ്ങൾ പിടിച്ചെടുക്കുകയും ചെയ്തു.
Also Read: പോലീസിന്റെ കണ്ണുവെട്ടിച്ച് ഊടുവഴികളിലൂടെ ജനസഞ്ചാരം; പഴുതടച്ച് പരിശോധന