റിയാദ്: പ്രതിദിന കോവിഡ് മുക്തരുടെ എണ്ണം കഴിഞ്ഞ 24 മണിക്കൂറിൽ സൗദിയിൽ കുത്തനെ ഉയർന്നു. 1,620 പേരാണ് കഴിഞ്ഞ 24 മണിക്കൂറിൽ രാജ്യത്ത് കോവിഡ് മുക്തരായത്. അതേസമയം കഴിഞ്ഞ 24 മണിക്കൂറിൽ കോവിഡ് ബാധിതരായ ആളുകളുടെ എണ്ണം 1,063 ആണ്. കൂടാതെ രാജ്യത്തിന്റെ വിവിധ ഭാഗങ്ങളിലായി 10 പേർ കോവിഡിനെ തുടർന്ന് മരിക്കുകയും ചെയ്തു.
സൗദിയിൽ ഏറെക്കാലത്തിന് ശേഷമാണ് ഇത്രയധികം ആളുകൾ ഒരു ദിവസം കോവിഡ് മുക്തരാകുന്നത്. രാജ്യത്ത് ഇതുവരെ കോവിഡ് ബാധിച്ച ആകെ ആളുകളുടെ എണ്ണം 5,27,877 ആയി ഉയർന്നു. ഇവരിൽ 5,08,994 പേരും ഇതിനോടകം തന്നെ രോഗമുക്തരായിട്ടുണ്ട്. കൂടാതെ രാജ്യത്ത് ഇതുവരെ കോവിഡിനെ തുടർന്ന് മരിച്ച ആകെ ആളുകളുടെ എണ്ണം 8,259 ആയും ഉയർന്നു.
രാജ്യത്ത് നിലവിൽ കോവിഡ് ബാധിച്ച് ചികിൽസയിൽ കഴിയുന്നവരുടെ എണ്ണം 10,624 ആണ്. ഇവരിൽ 1,434 പേരുടെ ആരോഗ്യനില ഗുരുതരമായി തുടരുകയാണ്. 96.3 ശതമാനമാണ് രാജ്യത്തെ നിലവിലെ കോവിഡ് മുക്തിനിരക്ക്. കൂടാതെ കോവിഡ് മരണനിരക്ക് 1.6 ശതമാനമായും തുടരുകയാണ്.
Read also : സ്റ്റുഡന്റ്സ് പോലീസ് കേഡറ്റ് ദിനം; മഅ്ദിന് അക്കാദമിയില് ആചരിച്ചു