റിയാദ്: സൗദി അറേബ്യയിൽ പ്രതിദിനം കോവിഡ് ബാധിച്ച് മരിക്കുന്നവരുടെ എണ്ണത്തിൽ വലിയ കുറവ്. 9 മാസങ്ങൾക്ക് ശേഷം സൗദിയിൽ പ്രതിദിനം കോവിഡ് ബാധിച്ച് മരിച്ചവരുടെ എണ്ണം 10ൽ താഴെയായി. 9 പേരാണ് കഴിഞ്ഞ ദിവസം കോവിഡ് ബാധിച്ച് മരിച്ചത്. 168 പേർക്ക് പുതുതായി രോഗം സ്ഥിരീകരിച്ചു. ഇതോടെ രാജ്യത്ത് ആകെ റിപ്പോർട്ട് ചെയ്ത കേസുകളുടെ എണ്ണം 3,61,178 ആയി. 211 പേർ കോവിഡ് രോഗമുക്തി നേടി. 3,52,089 പേരാണ് ആകെ രോഗമുക്തി നേടിയത്.
ആകെ സ്ഥിരീകരിച്ച മരണങ്ങൾ 6,131 ആണ്. നിലവിൽ 2,958 പേരാണ് രാജ്യത്ത് കോവിഡ് ബാധിച്ച് ചികിൽസയിൽ കഴിയുന്നത്. ഇതിൽ 410 പേർ ഗുരുതരാവസ്ഥയിലാണ്. ഇവർ രാജ്യത്തെ വിവിധ ആശുപത്രികളിൽ തീവ്ര പരിചരണ വിഭാഗത്തിലാണ്. ബാക്കിയുള്ളവരുടെ ആരോഗ്യനില തൃപ്തികരമാണ്.
രാജ്യത്തെ കോവിഡ് മുക്തി നിരക്ക് 97.6 ശതമാനവും മരണനിരക്ക് 1.7 ശതമാനവുമാണ്. കഴിഞ്ഞ 24 മണിക്കൂറിനിടെ രാജ്യത്ത് രേഖപ്പെടുത്തിയ പുതിയ കോവിഡ് കേസുകൾ; മക്ക (45), റിയാദ് (31), കിഴക്കൻ പ്രവിശ്യ (25), അൽബാഹ (15), അസീർ (14), മദീന (10), ഖസീം (7), വടക്കൻ മേഖല (7), നജ്റാൻ (6), അൽജൗഫ് (4), തബൂക്ക് (2), ജീസാൻ (1), ഹാഇൽ (1).
Read also: ഫൈസര് വാക്സിന്റെ ആദ്യ ബാച്ച് ഒമാനില് ബുധനാഴ്ചയെത്തും