കോഴിക്കോട്: കോവിഡ് വ്യാപനം രൂക്ഷമായ കോഴിക്കോട് ജില്ലയിൽ സ്വകാര്യ ആശുപത്രികളിൽ ആവശ്യത്തിന് കിടക്കകൾ ഉണ്ടെന്ന് സ്വകാര്യ ആശുപത്രി വൃത്തങ്ങൾ. നഗരത്തിലെ രണ്ട് സ്വകാര്യ ആശുപത്രികളിൽ മാത്രമാണ് കോവിഡ് കിടക്കകൾ ഒഴിവില്ലാത്തത്.
നഗരത്തിന് പുറത്തെ സ്വകാര്യ മെഡി. കോളേജുകളിൽ ഉൾപ്പെടെ ആവശ്യത്തിന് കിടക്കകളും ഐസിയു സംവിധാനവും ഉണ്ടെന്നും അധികൃതർ വ്യക്‌തമാക്കി. പ്രതിദിന കോവിഡ് കേസുകൾ തുടർച്ചയായി ആയിരത്തിന് മേലെ ആയതോടെ കോഴിക്കോട് ജില്ലയിൽ കർശന നിയന്ത്രണം തുടരുകയാണ്.
അതേസമയം വിഷുവിനിടെ റമദാൻ മാസത്തിനും തുടക്കമായതോടെ കോഴിക്കോട് നഗരത്തിൽ കനത്ത തിരക്കാണ് ഇന്നലെയും ഇന്ന് രാവിലെയും അനുഭവപ്പെട്ടത്.
Malabar News: മുത്തപ്പൻ പുഴയിൽ കാട്ടാന ഇറങ്ങി; വ്യാപക കൃഷിനാശം
