റിയാദ്: സൗദി അറേബ്യയിൽ കോവിഡ് ബാധിച്ച് മരണപ്പെട്ടവരുടെ എണ്ണം 5000 കടന്നു. ശനിയാഴ്ച 22 കോവിഡ് മരണങ്ങൾ കൂടി റിപ്പോർട്ട് ചെയ്തതോടെ രാജ്യത്തെ ആകെ മരണസംഖ്യ 5018 ആയി. 1.5 ആണ് നിലവിൽ രാജ്യത്തെ മരണനിരക്ക്. പുതുതായി 405 പേർക്ക് കൂടി രോഗം സ്ഥിരീകരിച്ചു. ഇതോടെ ആകെ കോവിഡ് ബാധിതരുടെ എണ്ണം 3,38,944 ആയി.
455 പേർ ഇന്ന് രോഗമുക്തി നേടി. ആകെ 3,24,737 പേരാണ് രോഗമുക്തി നേടിയത്. 9189 പേർ നിലവിൽ ചികിൽസയിൽ തുടരുന്നു. അതിൽ 842 പേരുടെ നില ഗുരുതരമാണ്. 46,189 സാമ്പിളുകളാണ് ശനിയാഴ്ച പരിശോധിച്ചത്. രാജ്യത്ത് ഇതുവരെ 6,976,541 കോവിഡ് പരിശോധനകളാണ് നടന്നത്.