ന്യൂഡെൽഹി : ഇന്ത്യയിൽ നിന്നും കയറ്റുമതി ചെയ്‌ത ശീതീകരിച്ച സമുദ്രോൽപ്പന്നങ്ങളിൽ കോവിഡ് സാന്നിധ്യം കണ്ടെത്തിയതിനെ തുടർന്ന് താൽക്കാലിക നിരോധനം ഏർപ്പെടുത്തി ചൈന. പാക്കേജിംഗിലാണ് വൈറസിന്റെ സാന്നിധ്യം കണ്ടെത്തിയത്. ഇതിനെ തുടർന്ന് ഇന്ത്യയിൽ നിന്നുള്ള 6 കമ്പനികളുടെ ശീതീകരിച്ച സമുദ്രോൽപ്പന്നങ്ങൾക്കാണ് ചൈന നിരോധനം ഏർപ്പെടുത്തിയത്.
ഇന്ത്യയിൽ നിന്നുള്ള ഉൽപ്പന്നങ്ങൾക്ക് നിരോധനം ഏർപ്പെടുത്തുന്നതിന് മുൻപ് തന്നെ വിവിധ രാജ്യങ്ങളിൽ നിന്നുള്ള ഉൽപ്പന്നങ്ങൾക്ക് കോവിഡ് സാന്നിധ്യത്തെ തുടർന്ന് ചൈനയിൽ നിരോധനം ഏർപ്പെടുത്തിയിരുന്നു. കോവിഡ് വ്യാപനത്തിന്റെ പശ്‌ചാത്തലത്തിൽ സൂക്ഷ്‌മ പരിശോധനക്ക് ശേഷം മാത്രമാണ് ചൈനയിൽ ശീതീകരിച്ച ഭക്ഷ്യവസ്‌തുക്കൾക്ക് വിതരണ അനുമതി നൽകുന്നത്.
നിലവിൽ ഇന്ത്യയിൽ നിന്നുള്ള 6 കമ്പനികളുടെ സമുദ്രോൽപ്പന്നങ്ങൾക്ക് ഒരാഴ്‌ചത്തെ വിലക്കാണ് ഏർപ്പെടുത്തിയത്. ജനറല്‍ അഡ്‌മിനിസ്‌ട്രേഷന്‍ ഓഫ് കസ്‌റ്റംസ്‌ ഓഫ് ചൈനയാണ് ഇക്കാര്യം വ്യക്‌തമാക്കിയത്‌.
Read also : മഞ്ചേശ്വരം കോഴക്കേസ്; സുന്ദരയുടെ ഫോൺ പിടിച്ചെടുത്തു
