കോഴിക്കോട്: ജില്ലയില് 3939 പോസിറ്റീവ് കേസുകള് കൂടി റിപ്പോര്ട് ചെയ്തതായി ജില്ലാ മെഡിക്കല് ഓഫീസര് ഇന്ചാര്ജ് ഡോ. പീയൂഷ് എം അറിയിച്ചു. വിദേശത്തുനിന്ന് എത്തിയവരില് ആരും പോസിറ്റീവില്ല.
ഇതര സംസ്ഥാനങ്ങളില് നിന്ന് എത്തിയവരില് അഞ്ച് പേര് പോസിറ്റീവായി. 68 പേരുടെ ഉറവിടം വ്യക്തമല്ല. 3866 പേര്ക്ക് സമ്പര്ക്കം വഴിയാണ് രോഗബാധ ഉണ്ടായത്. 1012 പേര് കൂടി രോഗമുക്തി നേടി. 17,601 സ്രവസാംപിള് പരിശോധനക്കയച്ചു. ജില്ലയിലെ ടെസ്റ്റ് പോസിറ്റിവിറ്റി നിരക്ക് 23.34 ശതമാനമാണ്.
5 ആരോഗ്യ പ്രവർത്തകർക്ക് ഇന്ന് രോഗബാധ സ്ഥിരീകരിച്ചു. നിലവിൽ രോഗം സ്ഥിരീകരിച്ച് ചികിൽസയിലുളളത് 23,188 പേരാണ്. കോഴിക്കോട് ചികിൽസയിലുളള മറ്റു ജില്ലക്കാരുടെ എണ്ണം 250 ആണ്.
Read Also: ബിവറേജുകൾക്ക് ഇല്ലാത്ത നിബന്ധന ആരാധനാലയങ്ങൾക്ക് അടിച്ചേൽപ്പിക്കരുത്; കെപിഎ മജീദ്