തിരുവനന്തപുരം: രണ്ടാം പിണറായി മന്ത്രിസഭയിലേക്ക് സിപിഐയിൽ നിന്ന് നാല് മന്ത്രിമാർ തിരഞ്ഞെടുക്കപ്പെട്ടു. പി പ്രസാദ്, കെ രാജൻ, ജിആർ അനിൽ, ചിഞ്ചുറാണി എന്നിവരെ സംസ്ഥാന കൗൺസിലാണ് തിരഞ്ഞെടുത്തത്. മന്ത്രിമാർ മുഴുവൻ പുതുമുഖങ്ങളാണ്. ഡെപ്യൂട്ടി സ്പീക്കറായി അടൂരിൽ നിന്നുള്ള ചിറ്റയം ഗോപകുമാറിനെയും തീരുമാനിച്ചു.
ചേർത്തലയിൽ നിന്നും തിരഞ്ഞെടുക്കപ്പെട്ട പി പ്രസാദ് സിപിഐയുടെ സജീവ പ്രവർത്തകനും പരിസ്ഥിതി പ്രക്ഷോഭങ്ങളിലെ സ്ഥിരം മുഖവുമാണ്. ഒല്ലൂരിൽ നിന്ന് തിരഞ്ഞെടുക്കപ്പെട്ട കെ രാജൻ കഴിഞ്ഞ മന്ത്രിസഭയുടെ അവസാന നാളുകളിൽ ക്യാബിനറ്റ് റാങ്കോടുകൂടി ചീഫ് വിപ്പായി പ്രവർത്തിച്ചിട്ടുണ്ട്.
കൊല്ലം ജില്ലയിലെ ചടയമംഗലം നിയമസഭാ മണ്ഡലത്തിൽ നിന്നാണ് ജെ ചിഞ്ചുറാണി വിജയിച്ചു കയറിയത്. മഹിളാ സംഘത്തിന്റെ നേതാവായി ദീർഘകാലമായി പ്രവർത്തിക്കുന്ന ചിഞ്ചുറാണി സിപിഐയുടെ ദേശീയ കൗൺസിൽ അംഗം കൂടിയാണ്. തിരുവനന്തപുരം ജില്ലയിലെ നെടുമങ്ങാട് മണ്ഡലത്തിൽ നിന്നാണ് ജിആർ അനിൽ സഭയിലേക്ക് എത്തിയത്.
Read Also: രണ്ടാം എൽഡിഎഫ് മന്ത്രിസഭയിൽ കെകെ ശൈലജയില്ല