മലപ്പുറം: എടക്കരയിൽ വളർത്തു നായയെ ഇരുചക്ര വാഹനത്തിന്റെ പുറകിൽ കെട്ടിയിട്ട് ഓടിച്ച് വീട്ടുകാരന്റെ ക്രൂരത. വണ്ടിക്ക് ഒപ്പമെത്താൻ കിണഞ്ഞ് പരിശ്രമിക്കുന്ന നായയെ രക്ഷിക്കാൻ നാട്ടുകാർ ഇടപെട്ടെങ്കിലും കാര്യമുണ്ടായില്ല.
നാട്ടുകാർ ഇവർക്ക് പുറകെ പോയി വാഹനം നിർത്താൻ ആവശ്യപ്പെട്ടു. എന്നാൽ ഉടമ ഇത് അവഗണിച്ച് വീണ്ടും സ്കൂട്ടറോടിച്ചു. പെരുങ്കുളം മുതൽ മുസ്ള്യാരങ്ങാടി വരെ മൂന്ന് കിലോമീറ്ററോളം ദൂരമാണ് നായയെ കെട്ടിവലിച്ചത്. കൂടുതൽ നാട്ടുകാർ സംഘടിച്ചതോടെ ഇയാൾ സ്കൂട്ടറിൽ നിന്ന് നായയുടെ കെട്ടഴിച്ച് മാറ്റി.
പിന്നീട് വാഹനവുമായി കടന്നുകളഞ്ഞു. നായയെ ഉപേക്ഷിക്കാൻ കൊണ്ടുപോയതെന്നാണ് സൂചന. നായക്ക് പരിക്കേറ്റിട്ടുണ്ട്. ഔദ്യോഗികമായി പരാതി ലഭിച്ചിട്ടില്ലെങ്കിലുംപോലീസ് അന്വേഷണം തുടങ്ങി.
Read Also: മുഖ്യമന്ത്രി പിണറായി വിജയൻ മരണത്തിന്റെ വ്യാപാരി; കെ സുധാകരൻ