തിരുവനന്തപുരം: സന്തോഷ് ഈപ്പനെ തനിക്ക് ഐ ഫോൺ നൽകിയിട്ടില്ലെന്ന് സിപിഎം സംസ്‌ഥാന സെക്രട്ടറി കോടിയേരി ബാലകൃഷ്‌ണന്റെ ഭാര്യ വിനോദിനി ബാലകൃഷ്‌ണൻ. ഐ ഫോൺ വിവാദവുമായി ബന്ധപ്പെട്ട് ഉയർന്ന ആരോപണങ്ങളോട് പ്രതികരിക്കുകയായിരുന്നു അവർ. സന്തോഷ് ഈപ്പനെ അറിയില്ലെന്നും ചോദ്യം ചെയ്യലിന് ഹാജരാകണമെന്ന് ആവശ്യപ്പെട്ട് കസ്‌റ്റംസ്‌ ഇതുവരെ നോട്ടീസൊന്നും നൽകിയിട്ടില്ലെന്നും വിനോദിനി വ്യക്‌തമാക്കി.
അതേസമയം, താൻ ഫോൺ നൽകിയത് സ്വപ്‌നാ സുരേഷിനാണെന്നാണ് യൂണിടാക് എംഡി സന്തോഷ് ഈപ്പൻ പറയുന്നത്. താൻ നൽകിയ ഫോൺ സ്വപ്‌ന ആർക്കാണ് കൊടുത്തത് എന്നതിനെ കുറിച്ച് അറിയില്ല. കോടിയേരി ബാലകൃഷ്‌ണനെ താൻ കണ്ടിട്ടില്ലെന്നും വിനോദിനിയെ അറിയില്ലെന്നും സന്തോഷ് ഈപ്പൻ പ്രതികരിച്ചു.
Also Read: യുഎഇ കോൺസൽ ജനറലിന് എക്‌സ് കാറ്റഗറി സുരക്ഷ ഒരുക്കിയത് ദുരൂഹം; വി മുരളീധരൻ
