തിരുവനന്തപുരം: സ്വര്ണക്കടത്ത് കേസില് അറസ്റ്റിലായ മുഖ്യമന്ത്രിയുടെ മുന് പ്രിന്സിപ്പല് സെക്രട്ടറി എം ശിവശങ്കറിനെ ഡോളർ കടത്ത് കേസിലും കസ്റ്റംസ് പ്രതി ചേര്ക്കും. ശിവശങ്കറിനോടൊപ്പം നാലുതവണ യാത്ര ചെയ്തപ്പോഴും ഡോളര് കടത്തിയിട്ടുണ്ടെന്നാണ് സ്വപ്ന കസ്റ്റംസിന് നല്കിയിരിക്കുന്ന മൊഴിയിൽ പറയുന്നത്.
ഡോളർ കടത്തിനെ കുറിച്ച് ശിവശങ്കറിന് അറിയാമായിരുന്നു എന്നാണ് സ്വപ്ന പറയുന്നത്. വിദേശത്ത് നിക്ഷേപിക്കാനാണ് ഇതെന്ന് ശിവശങ്കറിനോട് പറഞ്ഞതായും സ്വപ്നയുടെ മൊഴിയിലുണ്ട്. കേസിൽ ശിവശങ്കറിനെ അഞ്ചാം പ്രതിയാക്കാനാണ് കസ്റ്റംസ് ആലോചിക്കുന്നത്. വ്യാഴാഴ്ച ശിവശങ്കറിനെ കസ്റ്റംസ് ചോദ്യം ചെയ്തിരുന്നു. ഇതുവഴി കള്ളക്കടത്തുമായി ബന്ധപ്പെട്ട കൂടുതല് തെളിവുകള് ലഭിക്കുമെന്ന് അന്വേഷണ സംഘം വ്യക്തമാക്കി.
മറ്റു പ്രതികളായ സ്വപ്നയെയും, സരിത്തിനേയും കസ്റ്റംസ് നേരത്തെ ചോദ്യം ചെയ്തിരുന്നു. കേസില് ശിവശങ്കറിനെതിരെ തെളിവ് കിട്ടിയതിന് ശേഷമായിരുന്നു ശിവശങ്കറിനെ അറസ്റ്റ് ചെയ്തത്. യുഎഇ കോൺസുലേറ്റ് ജനറലും അറ്റാഷെയും ഡോളർ കടത്തിയതായി കസ്റ്റംസ് കണ്ടെത്തിയിട്ടുണ്ട്.
Read Also: നടിയെ ആക്രമിച്ച കേസ്; വിചാരണാ കോടതി മാറ്റണം, സർക്കാർ സുപ്രീം കോടതിയിലേക്ക്