എറണാകുളം : ജില്ലയിൽ പ്രതിദിനം റിപ്പോർട് ചെയ്യുന്ന കോവിഡ് രോഗികളുടെ എണ്ണത്തിൽ ഉയർച്ച ഉണ്ടാകുമെന്ന് വ്യക്‌തമാക്കി ജില്ലാ കളക്‌ടർ എസ് സുഹാസ്. പ്രതിദിനം റിപ്പോർട് ചെയ്യുന്ന രോഗികളുടെ എണ്ണം 2,000 കടക്കാൻ സാധ്യതയുണ്ടെന്നും, അടുത്ത മൂന്ന് ദിവസത്തേക്ക് മാസ് വാക്‌സിനേഷൻ നിർത്തി വച്ചേക്കുമെന്നും അദ്ദേഹം പറഞ്ഞു.
അതേസമയം തന്നെ രോഗവ്യാപനം കുറക്കുന്നതിനായി സർക്കാർ നിര്‍ദേശ പ്രകാരമുള്ള നിയന്ത്രണങ്ങള്‍ ജില്ലയില്‍ ഉണ്ടാകുമെന്നും മൈക്രോ കണ്ടെയ്ന്‍മെന്റ് സോണുകള്‍ ആയാണ് നിയന്ത്രണങ്ങള്‍ ഏര്‍പ്പെടുത്തുകയെന്നും കളക്‌ടർ വ്യക്‌തമാക്കി.
നിലവിൽ സംസ്ഥാനത്ത് തിരഞ്ഞെടുപ്പിന് ശേഷം പ്രതിദിന കോവിഡ് കേസുകളിൽ വലിയ വർധന ഉണ്ടായതായി ആരോഗ്യമന്ത്രി കെകെ ശൈലജ അറിയിച്ചു. രോഗബാധിതരുടെ എണ്ണത്തിൽ വർധന ഉണ്ടായ സാഹചര്യത്തിൽ കർശന നിയന്ത്രണങ്ങൾ ഏർപ്പെടുത്തുമെന്നും, മുഖ്യമന്ത്രിയുടെ നേതൃത്വത്തിൽ വകുപ്പ് തലത്തിൽ പ്രതിരോധ പ്രവർത്തനങ്ങൾ സംഘടിപ്പിക്കുമെന്നും മന്ത്രി പറഞ്ഞു.
Read also : മൻസൂർ വധം; പിടിയിലായ എട്ട് പ്രതികളെയും പോലീസ് കസ്‌റ്റഡിയിൽ വിടാൻ ഉത്തരവ്
