റിയാദ് : സൗദിയില് പ്രതിദിനം കോവിഡ് ബാധിച്ചു മരിക്കുന്ന ആളുകളുടെ എണ്ണത്തില് വീണ്ടും കുറവ് രേഖപ്പെടുത്തി. കഴിഞ്ഞ 24 മണിക്കൂറില് രാജ്യത്ത് 9 പേര് മാത്രമാണ് കോവിഡ് ബാധിച്ചു മരിച്ചത്. നിലവില് രാജ്യത്തെ ആകെ കോവിഡ് മരണസംഖ്യ 6,168 ആണ്. കൂടാതെ കഴിഞ്ഞ 24 മണിക്കൂറില് രാജ്യത്ത് 178 പേര്ക്ക് കൂടി പുതുതായി രോഗം സ്ഥിരീകരിച്ചിട്ടുണ്ട്. ഒപ്പം തന്നെ 207 ആളുകളാണ് രാജ്യത്തിന്റെ വിവിധ ഭാഗങ്ങളിലായി കോവിഡ് മുക്തി നേടിയത്.
കഴിഞ്ഞ ദിവസത്തെ കണക്കുകള് കൂടി പരിഗണിക്കുമ്പോള് രാജ്യത്തെ ആകെ കോവിഡ് ബാധിതരുടെ എണ്ണം 3,61,903 ആയി ഉയര്ന്നിട്ടുണ്ട്. എന്നാല് ഇവരില് 3,52,815 പേരും രോഗമുക്തരായെന്നത് രാജ്യത്ത് വലിയ ആശ്വാസം നല്കുന്ന കാര്യമാണ്. നിലവില് രാജ്യത്തിന്റെ വിവിധ ഭാഗങ്ങളിലായി 2,920 ആളുകളാണ് ചികില്സയില് കഴിയുന്നത്. ഇവരില് ഗുരുതരാവസ്ഥലുള്ള 376 പേര് തീവ്ര പരിചരണ വിഭാഗങ്ങളില് ചികില്സയില് കഴിയുകയാണ്.
97.6 ശതമാനമാണ് രാജ്യത്തെ നിലവിലെ കോവിഡ് രോഗമുക്തി നിരക്ക്. കൂടാതെ മരണനിരക്ക് 1.7 ശതമാനം ആയി തുടരുകയാണ്. കഴിഞ്ഞ 24 മണിക്കൂറില് റിയാദിലാണ് കൂടുതല് ആളുകള്ക്ക് കോവിഡ് സ്ഥിരീകരിച്ചത്. 44 പേരാണ് ഇവിടെ കഴിഞ്ഞ ദിവസം രോഗബാധിതരായത്.
Read also : യുഎഇ; 1,230 പേര്ക്ക് കൂടി കോവിഡ്, 1,386 പേര്ക്ക് രോഗമുക്തി