റിയാദ്: സൗദി അറേബ്യയിൽ പ്രതിദിന കോവിഡ് മരണങ്ങളുടെ എണ്ണം 2 ആയി ചുരുങ്ങി. കോവിഡ് വ്യാപനത്തിന് ശേഷം, ഇതാദ്യമായാണ് സൗദിയിൽ മരണസംഖ്യ ഇത്രയും കുറയുന്നത്. അതേസമയം, സൗദിയിൽ 186 പേർക്ക് പുതുതായി കോവിഡ് ബാധ സ്‌ഥിരീകരിച്ചു. 211 പേർ രോഗമുക്‌തി നേടി. ഇതോടെ സൗദിയിൽ റിപ്പോർട് ചെയ്‌ത ആകെ കോവിഡ് കേസുകളുടെ എണ്ണം 3,66,185 ആയി. 3,57,728 പേർ രോഗമുക്‌തി നേടി. ആകെ മരിച്ചവരുടെ എണ്ണം 6,352 ആയി.
2,080 സജീവ കോവിഡ് കേസുകളാണ് നിലവിൽ സൗദിയിലുള്ളത്. ഇതിൽ 331 പേർ മാത്രമാണ് ഗുരുതരാവസ്‌ഥയിൽ കഴിയുന്നത്. ഇവർ രാജ്യത്തെ വിവിധ ആശുപത്രികളിൽ തീവ്രപരിചരണ വിഭാഗത്തിൽ ചികിൽസയിലാണ്. ശേഷിക്കുന്നവരുടെ ആരോഗ്യനില തൃപ്‌തികരമാണ്. രാജ്യത്തെ കോവിഡ് രോഗമുക്‌തി നിരക്ക് 97.7 ശതമാനവും മരണനിരക്ക് 1.7 ശതമാനവുമായി തുടരുകയാണ്.
റിയാദ് (82), മക്ക (34), കിഴക്കൻ പ്രവിശ്യ (29), വടക്കൻ അതിർത്തി മേഖല (11), അൽബാഹ (6), അസീർ (6), നജ്‌റാൻ (5), ഖസീം (4), ഹാഇൽ (3), മദീന (3), തബൂക്ക് (2), ജീസാൻ (1) എന്നിങ്ങനെയാണ് രാജ്യത്തെ വിവിധയിടങ്ങളിൽ റിപ്പോർട് ചെയ്‌ത കോവിഡ് കേസുകളുടെ എണ്ണം.
Read also: യുഎഇയിൽ 3,579 പുതിയ കോവിഡ് രോഗികൾ; 9 മരണം
