ലഖ്‌നൗ: ഉത്തർപ്രദേശിൽ ദളിത് യുവാവിന് ആൾക്കൂട്ടത്തിന്റെ ക്രൂര മർദ്ദനം. കാൺപൂർ ദെഹാത്ത് ജില്ലയിലെ അക്ബർ പൂരിലാണ് സംഭവം. യുവാവിനെ ആൾക്കൂട്ടം മർദ്ദിക്കുന്നതിന്റെ ദൃശ്യങ്ങൾ പുറത്തു വന്നു.
20 വയസുള്ള യുവാവിനെ ഒരു സംഘമാളുകൾ പൊതു സ്‌ഥലത്തുവെച്ച് വടി കൊണ്ട് അടിക്കുന്നതും, കെട്ടിയിട്ട് സ്വകാര്യ ഭാഗങ്ങളിൽ മർദ്ദിക്കുന്നതും ദൃശ്യങ്ങളിലുണ്ട്. ദൃശ്യങ്ങൾ പുറത്തുവന്നതിന് പിന്നാലെ ഒരാളെ അറസ്‌റ്റ് ചെയ്‌തതായി പോലീസ് അറിയിച്ചു. യുവാവിനെ മർദ്ദിച്ച മറ്റ് രണ്ടു പേർക്ക് വേണ്ടിയുള്ള അന്വേഷണം തുടരുകയാണെന്നും പോലീസ് വ്യക്‌തമാക്കി. ഗുരുതമായി പരിക്കേറ്റ യുവാവിനെ ആശുപത്രിയിൽ പ്രവേശിപ്പിച്ചിരിക്കുകയാണ്.
Most Read: ഏഴ് വയസുകാരിക്ക് ക്രൂര മർദ്ദനം; തലക്ക് ഗുരുതര പരിക്ക്; പിതാവ് കസ്‌റ്റഡിയിൽ
