കൊച്ചി: മാദ്ധ്യമ പ്രവര്ത്തകന് എസ്വി പ്രദീപിന്റെ മരണത്തില് സിബിഐ അന്വേഷണം ആവശ്യപ്പെട്ടുള്ള ഹരജി ഹൈക്കോടതി ഫയലില് സ്വീകരിച്ചു. ഹരജിയില് സര്ക്കാരിന് ഹൈക്കോടതി നോട്ടീസ് അയച്ചു. പത്ത് ദിവസത്തിനകം മറുപടി നല്കണമെന്നാണ് നിര്ദ്ദേശം.
പ്രദീപിന്റെ അമ്മ വസന്തകുമാരിയാണ് ഹൈക്കോടതിയെ സമീപിച്ചത്. അപകട മരണത്തില് ദുരൂഹത ഉണ്ടെന്നും മകന് ഭീഷണി ഉണ്ടായിരുന്നെന്നും ഹരജിയില് ആരോപിക്കുന്നുണ്ട്. പൊലീസ് അന്വേഷണം തൃപ്തികരമല്ലെന്നും വിശദമായ അന്വേഷണം വേണമെന്നുമാണ് ഹരജിയിലെ പ്രധാന ആവശ്യം. നേരത്തെ പ്രദീപിന്റെ മരണത്തില് സിബിഐ അന്വേഷണം ആവശ്യപ്പെട്ട് സെക്രട്ടേറിയറ്റിന് മുന്നില് കുടുംബം ഏകദിന ഉപവാസം നടത്തിയിരുന്നു.
Read Also: നടിയെ ആക്രമിച്ച കേസ്; മാപ്പുസാക്ഷി വിപിൻ ലാലിന് ഹൈക്കോടതി ജാമ്യം അനുവദിച്ചു