ഇടുക്കി: മുല്ലപ്പെരിയാർ ഡാം ഇന്ന് 11.30ഓടെ തുറക്കുമെന്ന് ജലവിഭവ മന്ത്രി റോഷി അഗസ്റ്റിൻ. അണക്കെട്ടിന്റെ രണ്ട് ഷട്ടറുകൾ 30 സെന്റി മീറ്റർ വീതം ഉയർത്തും. ആദ്യ ഘട്ടത്തിൽ 543 ഘനയടി വെള്ളം പുറത്തേക്ക് ഒഴുകും.
രണ്ട് മണിക്കൂറിന് ശേഷം 1000 ഘനയടിയായി വെള്ളത്തിന്റെ അളവ് ഉയർത്തും. 137.5 അടിയാണ് പരമാവധി സംഭരിക്കാൻ അനുമതിയുള്ള ജലനിരപ്പ് 2380.32 അടിയാണ് ഇടുക്കി ഡാമിലെ ജലനിരപ്പ്. കൊല്ലം തെൻമല ഡാം 11 മണിക്ക് തുറക്കുമെന്നാണ് അറിയിപ്പ്. കല്ലടയാറിന്റെ തീരത്ത് ജാഗ്രതാ നിർദ്ദേശം നൽകിയിട്ടുണ്ട്. കാക്കി റിസർവോയറിൽ ബ്ളൂ അലർട്ടാണ്. പെരിങ്ങൽകൂത്ത്, പീച്ചി, ചിമ്മിനി, മലമ്പുഴ ഡാമുകളിൽ വെള്ളം പരമാവധി നിരപ്പിനും താഴെയെത്തി. മലമ്പുഴ ഡാം ഒൻപത് മണിക്ക് തുറക്കുമെന്ന് അറിയിച്ചിരുന്നെങ്കിലും ജലനിരപ്പ് താഴ്ന്നതിനാൽ തീരുമാനം പിൻവലിച്ചു.
Most Read: വിവാഹസമയം റിഫ പ്രായപൂർത്തി ആയിരുന്നില്ല; പോക്സോ കേസിൽ മെഹ്നാസ് അറസ്റ്റിൽ