ന്യൂഡെൽഹി: കോവിഡ് കേസുകൾ കുറഞ്ഞതിനെ തുടർന്ന് നിയന്ത്രണങ്ങളിൽ ഇളവു വരുത്തി ഡെൽഹി. മാർക്കറ്റുകളും കടകളും രാത്രി എട്ടുമണി കഴിഞ്ഞും പ്രവർത്തിക്കാമെന്ന് മുഖ്യമന്ത്രി അരവിന്ദ് കേജ്രിവാൾ പറഞ്ഞു. ഇളവ് തിങ്കളാഴ്ച മുതൽ പ്രാബല്യത്തിൽ വരും. തിങ്കളാഴ്ച മുതൽ റസ്റ്ററന്റുകൾ രാത്രി 10 മണിക്ക് ശേഷവും പ്രവർത്തിക്കാം.
ഡെൽഹിയിലെ മാർക്കറ്റുകൾ രാത്രി 8 മണി വരെ മാത്രമേ തുറക്കാൻ അനുമതി ഉണ്ടായിരുന്നുള്ളൂ. കോവിഡ് കേസുകളുടെ എണ്ണം കുറഞ്ഞതിനാലാണ് ഇളവുകൾ നൽകുന്നത്. സംസ്ഥാനത്ത് ഇന്ന് 19 കോവിഡ് കേസുകളാണ് റിപ്പോർട് ചെയ്തത്. ടെസ്റ്റ് പോസിറ്റിവിറ്റി നിരക്ക് 0.03 ശതമാനമാണ്. ആകെ 430 പേരാണ് ചികിൽസയിലുള്ളത്.
Kerala News: രോഗബാധ 17,106, പോസിറ്റിവിറ്റി 17.73%, മരണം 83