ഡെൽഹി: കോവിഡ് കേസുകള് കുറഞ്ഞിട്ടും ഡെൽഹി യൂണിവേഴ്സിറ്റി തുറക്കാത്തത്തില് പ്രതിഷേധം ശക്തമാക്കി വിദ്യാര്ഥികൾ. എസ്എഫ്ഐ ഉള്പ്പടെയുള്ള സംഘടനകളുടെ നേത്യത്വത്തിലാണ് പ്രതിഷേധം.
കഴിഞ്ഞ ദിവസം വിസി ഓഫിസ് വളഞ്ഞുകൊണ്ട് പ്രതിഷേധിച്ച വിദ്യാര്ഥികള് ഇന്ന് കാമ്പസിലേക്കുള്ള റോഡ് ഉപരോധിച്ചു. കോളേജ് തുറക്കുന്നതുമായി ബന്ധപ്പെട്ട നോട്ടീസ് ലഭിക്കുന്നത് വരെ പ്രക്ഷോഭം തുടരുമെന്ന് വിദ്യാര്ഥികള് അറിയിച്ചു.
കോവിഡ് ഒന്നാം തരംഗത്തിലാണ് ഡെൽഹി യൂണിവേഴ്സിറ്റി അടച്ചിട്ടത്. തുടർന്ന് രണ്ട് വര്ഷമായി ഓണ്ലൈനിലൂടെയാണ് യൂണിവേഴ്സിറ്റിയില് ക്ളാസുകള് നടക്കുന്നത്. രാജ്യ തലസ്ഥാനത്ത് കോവിഡ് കേസുകൾ കുറയുന്ന സാഹചര്യത്തിൽ യൂണിവേഴ്സിറ്റിയിൽ ഓഫ്ലൈൻ ക്ളാസുകൾ ഉടൻ ആരംഭിക്കണമെന്നാണ് വിദ്യാർഥികളുടെ ആവശ്യം.
Most Read: നീറ്റിനെതിരായ ബില്ല് വീണ്ടും പാസാക്കി തമിഴ്നാട്