തിരുവനന്തപുരം: സ്‌പീക്കർ എഎൻ ഷംസീറിനെതിരെ ഡെപ്യൂട്ടി സ്‌പീക്കർ ചിറ്റയം ഗോപകുമാർ. എഡിജിപി- ആർഎസ്എസ് കൂടിക്കാഴ്‌ചയിൽ സ്‌പീക്കറുടെ നിലപാട് ഗുരുതരമായ തെറ്റാണെന്ന് ചിറ്റയം ഗോപകുമാർ പറഞ്ഞു. സ്‌പീക്കർ സ്‌ഥാനത്തിരുന്ന് ഷംസീർ അങ്ങനെ പറയാൻ പാടില്ലെന്നും ആദ്ദേഹം വ്യക്‌തമാക്കി.
എഡിജിപിയെ മാറ്റാതെയുള്ള അന്വേഷണം ഫലപ്രദമാകില്ല. അജിത് കുമാറിനെ അടിയന്തിരമായി മാറ്റുമെന്നാണ് പ്രതീക്ഷയെന്നും ചിറ്റയം ഗോപകുമാർ പറഞ്ഞു. സ്‌പീക്കറുടെ നിലപാട് ഇടതുമുന്നണി നയങ്ങൾക്ക് വിരുദ്ധമാണ്. അജിത് കുമാറിനെ സർക്കാർ അടിയന്തിരമായി മാറ്റുമെന്ന് തന്നെയാണ് പ്രതീക്ഷ. ഭരണകക്ഷി എംഎൽഎയാണ് ആരോപണം ഉന്നയിച്ചതെന്നത് പ്രധാനമാണെന്നും ഗോപകുമാർ കൂട്ടിച്ചേർത്തു.
എഡിജിപി എംആർ അജിത് കുമാർ ആർഎസ്എസ് നേതാക്കളെ കണ്ടതിൽ തെറ്റില്ലെന്നായിരുന്നു ഷംസീറിന്റെ പ്രതികരണം. ആർഎസ്എസ് രാജ്യത്തെ പ്രധാന സംഘടനയാണെന്നും സുഹൃത്താണ് തന്നെ കൂട്ടിക്കൊണ്ടു പോയതെന്ന് എഡിജിപി തന്നെ പറഞ്ഞിട്ടുണ്ടെന്നും ഷംസീർ പറഞ്ഞു. സംഭവത്തിൽ അഭിപ്രായം പറയേണ്ടത് സർക്കാരാണ്. വ്യക്‌തികൾ ആർഎസ്എസ് നേതാവിനെ കാണുന്നതിൽ തെറ്റില്ലെന്നും ഷംസീർ പറഞ്ഞിരുന്നു.
Most Read| 116ആം വയസിൽ ലോക മുത്തശ്ശി റെക്കോർഡ്; കൊടുമുടി കീഴടക്കിയത് രണ്ടുതവണ
