മുംബൈ: ഐപിഎൽ സീസണിലെ ആദ്യ മൽസരത്തിൽ തോൽവി ഏറ്റുവാങ്ങിയതിന് പിന്നാലെ ചെന്നൈ സൂപ്പർ കിംഗ്സ് ക്യാപ്റ്റൻ എംഎസ് ധോണിക്കുമേൽ പിഴ ചുമത്തി. മൽസരത്തിലെ കുറഞ്ഞ ഓവർ റേറ്റിന്റെ പേരിലാണ് ധോണിക്ക് പിഴ ചുമത്തിയത്. 12 ലക്ഷം രൂപയാണ് പിഴ.
ഇതാദ്യമായാണ് സീസണിൽ ഒരു നായകനുമേൽ പിഴ ചുമത്തപ്പെടുന്നത്. ആദ്യമൽസരത്തിൽ ഡെൽഹിയോടായിരുന്നു ചെന്നൈ അടിയറവ് പറഞ്ഞത്.
നിശ്ചിത സമയത്ത് ഓവർ നിയന്ത്രിക്കാൻ കഴിയാതെ വന്നതാണ് ധോണിക്ക് തിരിച്ചടിയായത്. ഐപിഎൽ പതിനാലാം സീസണിലെ ചട്ടപ്രകാരം സ്ട്രാറ്റജിക് ടൈം ഔട്ട് ഒഴിവാക്കി ഒരു മണിക്കൂറിനുള്ളിൽ 14.1 ഓവർ പൂർത്തിയാക്കണം. കൂടാതെ മൽസരത്തിന് മറ്റ് തടസങ്ങളൊന്നും ഉണ്ടായില്ലെങ്കിൽ 90 മിനിറ്റിനുള്ളിൽ 20 ഓവർ ക്വാട്ട പൂർത്തീകരിക്കണം. എന്നാൽ ചെന്നൈ സൂപ്പർ കിംഗ്സ് 18.4 ഓവർ എറിയുമ്പോഴേക്കും ഡെൽഹി ഏഴ് വിക്കറ്റിന്റെ ജയം സ്വന്തമാക്കിയിരുന്നു.
Read Also: വിനീത്-ഷാൻ റഹ്മാൻ മാജിക്, കൂടെ ആസിഫും; ‘കുഞ്ഞെല്ദോ’യിലെ ആദ്യഗാനമെത്തി