കൊച്ചി: കോവിഡ് മാനദണ്ഡങ്ങൾ ലംഘിച്ച് മട്ടാഞ്ചേരിയിൽ ഡിജെ പാർട്ടി നടത്തിയ സംഭവത്തിൽ കണ്ടാലറിയാവുന്ന 50 ഓളം പേർക്കെതിരെ കൂടി പോലീസ് കേസെടുത്തു. പാർട്ടിയിൽ ലഹരി ഉപയോഗം നടന്നിട്ടുണ്ടോയെന്ന് പരിശോധിക്കുമെന്നും കേസ് അന്വേഷിക്കുന്ന സിഐ ജെഎസ് പ്രവീൺ പറഞ്ഞു.
തന്നെ പാർട്ടി നടത്തിയ സംഘാടകർ ഭീഷണിപ്പെടുത്തി എന്നും തട്ടികൊണ്ട് പോകാൻ ശ്രമിച്ചുവെന്നും ഹോട്ടൽ ഉടമ പോലീസിന് കഴിഞ്ഞ ദിവസം പരാതി നൽകിയിരുന്നു.
അതേസമയം ഇസ്രയേലിൽ നിന്നുള്ള ഡിസ്കോ ജോക്കിയെ ചോദ്യം ചെയ്യാൻ തീരുമാനിച്ചിട്ടുണ്ടെന്നും സിഐ അറിയിച്ചു. ഇയാളുടെ പരിപാടിയിൽ വലിയ രീതിയിലുള്ള ലഹരിക്കച്ചവടം നടക്കുന്നതായി പോലീസിന് നേരത്തെ വിവരം ലഭിച്ചിരുന്നു.
Read Also: എറണാകുളത്ത് കോവിഡ് വ്യാപനം അതിവേഗത്തിൽ; ആശങ്കയുയർത്തി ഐഎംഎ റിപ്പോർട്