കൊച്ചി: എറണാകുളം ജില്ലയില്‍ കോവിഡ് വ്യാപിക്കുന്നത് അതി തീവ്ര വേഗതയിലെന്ന് ഐഎംഎ (ഇന്ത്യന്‍ മെഡിക്കല്‍ അസോസിയേഷന്‍) റിപ്പോര്‍ട്. സര്‍ക്കാര്‍ മേഖലയിലെയും സ്വകാര്യ മേഖലയിലെയും ആരോഗ്യ വിദഗ്ധരുമായി നടത്തിയ ചര്‍ച്ചയിലാണ് എറണാകുളം ജില്ലയിലെ ഗുരുതര കോവിഡ് വ്യാപനത്തെ കുറിച്ച് ഐഎംഎ ആശങ്ക പ്രകടിപ്പിച്ചത്.
നൂറ് പേരെ പരിശോധിച്ചാല്‍ നാല് പേര്‍ക്കായിരുന്നു കഴിഞ്ഞ മാസം രോഗം സ്‌ഥിരീകരിച്ചതെങ്കിൽ ഇപ്പോഴിത് 100ല്‍ 12 പേര്‍ക്ക് എന്ന നിലയിലേക്ക് ഉയർന്നതായും ഐഎംഎ റിപ്പോർട് ചെയ്യുന്നു.
ആരോഗ്യ മേഖലക്ക് താങ്ങാവുന്നതില്‍ കൂടുതല്‍ രോഗികളുണ്ടായാല്‍ മരണനിരക്ക് വീണ്ടുമുയരാനുള്ള സാധ്യത ചൂണ്ടിക്കാട്ടിയ ഐഎംഎ നാല്‍പതിനും അറുപതിനും ഇടയില്‍ പ്രായമുള്ളവരാണ് ഗുരുതരാവസ്‌ഥയിൽ ആകുന്നവരിൽ ഭൂരിഭാഗമെന്നതും ആശങ്കാജനകമാണെന്ന് പറഞ്ഞു.
സംസ്‌ഥാനത്ത് കോവിഡ് രോഗികളുടെ എണ്ണത്തില്‍ വലിയ വര്‍ധനവാണ് കഴിഞ്ഞ ദിവസങ്ങളില്‍ ഉണ്ടായിരിക്കുന്നത്. എറണാകുളം ജില്ലയിൽ 1226 പേർക്കാണ് രോഗബാധ സ്‌ഥിരീകരിച്ചത്‌.
അതേസമയം കോവിഡ് രണ്ടാം തരംഗം രൂക്ഷമാകുന്ന സാഹചര്യത്തില്‍ മുഖ്യമന്ത്രി പിണറായി വിജയന്‍ അടിയന്തര യോഗം വിളിച്ചിട്ടുണ്ട്.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
