മലപ്പുറം: ചികിൽസക്കെത്തിയ യുവതിയെ പീഡിപ്പിച്ച കേസില് മലപ്പുറത്ത് ഡോക്ടർ അറസ്റ്റില്. പെരിന്തല്മണ്ണയിലെ സ്വകാര്യ ആശുപത്രിയിലെ ഡോക്ടറും പട്ടിക്കാട് ചുങ്കത്തെ ജെജെ ക്ളിനിക് ഉടമയുമായ ഡോ. ഷെരീഫ് ആണ് പിടിയിലായത്.
ജെജെ ക്ളിനിക്കില് ചികിൽസക്കെത്തിയ സ്ത്രീയെ പീഡിപ്പിച്ചെന്ന പരാതിയിലാണ് അറസ്റ്റ്. സംഭവത്തില് മേലാറ്റൂര് പോലീസാണ് കേസെടുത്തത്.
ക്ളിനിക്കിൽ വെച്ച് പരിശോധിക്കാനെന്ന വ്യാജേന മുറിയില് കിടത്തിയ ശേഷമായിരുന്നു പീഡനം. ഈ സമയം മറ്റാരും അവിടെ ഉണ്ടായിരുന്നില്ല.
അക്രമത്തിനിരയായ യുവതി ഡോക്ടറുടെ വയറിന് ചവിട്ടിയ ശേഷം പുറത്തേക്ക് ഓടുകയായിരുന്നെന്ന് പോലീസ് പറഞ്ഞു. തുടർന്ന് പോലീസിൽ പരാതി നൽകുകയായിരുന്നു. അതേസമയം ക്ളിനിക്കില് നിന്ന് അറസ്റ്റ് ചെയ്ത പ്രതിയെ കോടതിയില് ഹാജരാക്കി റിമാന്ഡ് ചെയ്തു.
Most Read: പ്രവാചക നിന്ദ: ആവർത്തിക്കാതിരിക്കാൻ സർക്കാരും നീതിപീഠങ്ങളും ജാഗ്രത പാലിക്കണം; പാളയം ഇമാം