തിരുവനന്തപുരം: സാമൂഹിക സുരക്ഷാ മിഷൻ എക്സിക്യൂട്ടീവ് ഡയറക്ടർ സ്ഥാനത്തുനിന്ന് ഡോ. മുഹമ്മദ് അഷീലിന് മാറ്റം. ആരോഗ്യ വകുപ്പിലേക്കാണ് ഇദ്ദേഹത്തെ മാറ്റിയത്.
കഴിഞ്ഞ സർക്കാരിന്റെ കാലത്ത് ഡെപ്യൂട്ടേഷനിലാണ് ഡോ. അഷീൽ സാമൂഹിക സുരക്ഷാ മിഷനിലേക്കെത്തുന്നത്. കോവിഡ് പ്രതിരോധം സംബന്ധിച്ച് ഒട്ടേറെ ബോധവൽക്കരണ വീഡിയോകൾ ചെയ്ത ഡോ. അഷീൽ ശ്രദ്ധനേടിയിരുന്നു. എന്നാൽ എക്സിക്യൂട്ടീവ് ഡയറക്ടർ ചുമതലയിൽ അഞ്ചുവർഷം പൂർത്തിയായതോടെ മാതൃവകുപ്പായ ആരോഗ്യവകുപ്പിലേക്ക് തിരികെപ്പോകണമെന്ന് ഇദ്ദേഹം ആവശ്യപ്പെട്ടിരുന്നു. ഇതിന്റെ അടിസ്ഥാനത്തിലാണ് മാറ്റം.
സാമൂഹികനീതി ഡയറക്ടർ ഡോ. ഷീബാ ജോർജിനാണ് താൽക്കാലിക ചുമതല നൽകിയത്. രണ്ടാം എൽഡിഎഫ് സർക്കാരിന്റെ കാലത്ത് സാമൂഹിക സുരക്ഷാ വകുപ്പും ആരോഗ്യവകുപ്പും രണ്ട് മന്ത്രിമാർക്ക് കീഴിൽ ആക്കിയിരുന്നു.
Most Read: എസ്എസ്എൽസി പരീക്ഷാഫലം ഈ മാസം 15ന്; ഗ്രേസ് മാർക്കിൽ തീരുമാനമായില്ല