തിരുവനന്തപുരം: സാമൂഹിക സുരക്ഷാ മിഷന്‍ എക്‌സിക്യൂട്ടീവ് ഡയറക്‌ടറായിരുന്ന ഡോ. മുഹമ്മദ് അഷീൽ പയ്യന്നൂര്‍ താലൂക്ക് ആശുപത്രിയിലെ അത്യാഹിത വിഭാഗം മെഡിക്കല്‍ ഓഫീസറായി സ്‌ഥാനമേൽക്കും. അഞ്ചുവര്‍ഷത്തെ ഡെപ്യൂട്ടേഷന്‍ കാലാവധി അവസാനിക്കാനിരിക്കെ കഴിഞ്ഞയാഴ്‌ചയാണ് ഡോ. മുഹമ്മദ് അഷീൽ സാമൂഹിക സുരക്ഷാ മിഷന്‍ എക്‌സിക്യൂട്ടീവ് ഡയറക്‌ടർ സ്‌ഥാനത്ത്‌ നിന്ന് മാറിയത്.
തുടർന്ന് ആരോഗ്യ വകുപ്പില്‍ അസിസ്‌റ്റന്റ് സര്‍ജന്‍ തസ്‍തികയില്‍ തിരികെ പ്രവേശിച്ചതിന് പിന്നാലെയാണ് കണ്ണൂര്‍ ജില്ലയിലെ പയ്യന്നൂര്‍ താലൂക്ക് ആശുപത്രിയില്‍ അത്യാഹിത വിഭാഗം മെഡിക്കല്‍ ഓഫീസറായി നിയമിച്ചത്. കോവിഡ് പ്രതിരോധ പ്രവര്‍ത്തനങ്ങളുടെ ഏകോപനത്തിൽ നിർണായക പങ്കുവഹിച്ച വ്യക്‌തിയാണ് ഡോ. മുഹമ്മദ് അഷീൽ.
Read also: പ്രശാന്ത് കിഷോർ കോൺഗ്രസിലേക്ക് വരുമെന്ന അഭ്യൂഹങ്ങൾ ശക്‌തമാകുന്നു
