ന്യൂഡെൽഹി: പ്രമുഖ തിരഞ്ഞെടുപ്പ് തന്ത്രജ്‌ഞന്‍ പ്രശാന്ത് കിഷോര്‍ കോണ്‍ഗ്രസില്‍ ചേര്‍ന്നേക്കുമെന്ന് സൂചന. കഴിഞ്ഞ ദിവസം പ്രശാന്ത് കിഷോര്‍ രാഹുല്‍ ഗാന്ധി, പ്രിയങ്ക ഗാന്ധി എന്നിവരുമായി കൂടിക്കാഴ്‌ച നടത്തിയിരുന്നു. ഡെല്‍ഹിയില്‍ രാഹുലിന്റെ വസതിയില്‍ നടന്ന കൂടിക്കാഴ്‌ചക്ക് ശേഷം പ്രധാന രാഷ്‌ട്രീയ തീരുമാനം പ്രശാന്ത് കിഷോര്‍ കൈക്കൊള്ളുമെന്ന് സൂചന ലഭിച്ചിരുന്നു.
വരാനിരിക്കുന്ന യുപി, പഞ്ചാബ് തിരഞ്ഞെടുപ്പ് വിഷയങ്ങള്‍ക്കപ്പുറം വലിയ രാഷ്‌ട്രീയ പ്രധാന്യമുള്ള തീരുമാനം പ്രശാന്ത് കിഷോറില്‍ നിന്നുണ്ടായേക്കുമെന്ന് വിലയിരുത്തലുണ്ട്. ഗാന്ധി കുടുംബാംഗങ്ങളുമായി പ്രശാന്ത് കിഷോര്‍ നടത്തിയത് യുപി , പഞ്ചാബ് തിരഞ്ഞെടുപ്പ് സംബന്ധിച്ച ചര്‍ച്ചകളല്ലെന്നും മറ്റ് ചില പ്രധാന്യമുള്ള വിഷയങ്ങളാണെന്നും ഇതുമായി ബന്ധപ്പെട്ട അടുത്ത വൃത്തങ്ങൾ കഴിഞ്ഞ ദിവസം വ്യക്‌തമാക്കിയിരുന്നു. ഇതും സംശയം ബലപ്പെടുത്തുന്നുണ്ട്.
Read Also: കേന്ദ്ര സർക്കാർ ജീവനക്കാരുടെ ഡിഎ 28 ശതമാനമായി വർധിപ്പിച്ചു
