കണ്ണൂർ: അഴീക്കോട് പുന്നക്കപ്പാറയിൽ പടക്കം പൊട്ടിത്തെറിച്ച് ഒമ്പതു വയസുകാരൻ മരിച്ചു. പുന്നക്കപ്പാറ കോൺഗ്രസ് ഓഫീസിന് സമീപത്ത് ഇന്ന് രാവിലെയായിരുന്നു സംഭവം. പുന്നക്കപ്പാറ കുഞ്ഞികിഴക്കയിൽ വീട്ടിൽ ഉബൈദിന്റെ മകൻ അമാൻ ആണ് മരിച്ചത്. വായ്പ്പറമ്പ് യുപി സ്കൂളിലെ നാലാം ക്ളാസ് വിദ്യാർഥിയായിരുന്നു.
വിഡി. സതീശൻ മുഖ്യമന്ത്രിയായി സത്യപ്രതിജ്ഞ ചെയ്യുന്നതിൽ ആഹ്ളാദം പ്രകടപ്പിച്ച് കോൺഗ്രസ് പ്രവർത്തകർ ലഡു വിതരണം നടത്തുകയും പടക്കം പൊട്ടിക്കുകയും ചെയ്തിരുന്നു. ഈ സമയം ഇവിടെ ഉണ്ടായിരുന്ന നാല് കുട്ടികൾ പൊട്ടാതെ കിടന്ന പടക്കം ശേഖരിച്ചു. ഈ പടക്കങ്ങൾ ചേർത്തുവെച്ച് കല്ലിനടിയിൽ വെച്ച് തീ കൊളുത്തുകയായിരുന്നു.
ഇങ്ങനെ പൊട്ടിച്ചപ്പോൾ പടക്കം ചിതറിവന്ന് ഏമാന്റെ കഴുത്തിൽ വീഴുകയായിരുന്നു. മറ്റു കുട്ടികൾക്കും പരിക്കേറ്റു. അമാനെ ഉടൻ തന്നെ തൊട്ടടുത്തുള്ള ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. അമാന്റെ സഹോദരൻ അൻഫാൽ (12), അഹമ്മദ് ബദാവി (7), സൽമാൻ ഹാരിസ് (12) എന്നിവർക്കാണ് പരിക്കേറ്റത്. സാരമായി പരിക്കേറ്റ സൽമാൻ ഹാരിസ് കണ്ണൂരിലെ സ്വകാര്യ ആശുപത്രിയിൽ ചികിൽസയിലാണ്. മറ്റു രണ്ടുപേർ ഡിസ്ചാർജ് ആയി.
Most Read| ‘ലവൻ പുലിയാണ് കേട്ടോ’; ആക്രമിക്കാൻ വന്ന പുലിയെ കഴുത്തിന് പിടിച്ച് രക്ഷനേടി 13-കാരൻ
