കൊച്ചി: മദ്യപിച്ചു പോലീസ് സ്‌റ്റേഷനിലെത്തി ബഹളം ഉണ്ടാക്കിയതിന് നടൻ വിനായകൻ അറസ്‌റ്റിൽ. എറണാകുളം നോർത്ത് സ്‌റ്റേഷനിലാണ് സംഭവം നടന്നത്. മദ്യലഹരിയിൽ ആയിരുന്ന വിനായകൻ പോലീസിന് നേരെ അസഭ്യവർഷം നടത്തിയെന്നും ആരോപണമുണ്ട്. സ്‌റ്റേഷൻ പ്രവർത്തണം തടസപ്പെടുത്തിയതിനാണ് വിനായകനെതിരെ എറണാകുളം നോർത്ത് പോലീസ് കേസ് രജിസ്‌റ്റർ ചെയ്‌തിട്ടുള്ളത്.
സ്‌റ്റേഷനിൽ വിനായകൻ എത്തിയത് മദ്യപിച്ചാണെന്ന് പോലീസ് പറയുന്നു. മദ്യപിച്ചെത്തി ബഹളം ഉണ്ടാക്കുകയും അസഭ്യവർഷം നടത്തിയെന്നും പോലീസ് പറയുന്നു. ഫ്ളാറ്റിൽ ബഹളം വെച്ചതിനെ തുടർന്ന് വിനായകനെ സ്‌റ്റേഷനിലേക്ക് വിളിച്ചു വരുത്തിയിരുന്നു. തുടർന്ന് സ്‌റ്റേഷനിൽ എത്തിയിട്ട് അവിടെയും ബഹളം വെക്കുകയായിരുന്നു. വിനായകനെ എറണാകുളം ജനറൽ ആശുപത്രിയിൽ വൈദ്യപരിശോധനക്ക് എത്തിച്ചു.
Most Read| ‘ഇസ്രയേലിന് സ്വയം പ്രതിരോധനത്തിന് അവകാശമുണ്ട്’; പുതിയ നിലപാടുമായി ചൈന
