കൽപ്പറ്റ: നിയമസഭാ തിരഞ്ഞെടുപ്പിന്റെ ഭാഗമായി 24 മണിക്കൂറും പ്രവർത്തിക്കുന്ന ഇലക്ഷൻ കൺട്രോൾ റൂം ജില്ലയിൽ പ്രവർത്തനം തുടങ്ങി. കളക്ടറേറ്റിൽ പ്രവർത്തനം ആരംഭിച്ച കൺട്രോൾ റൂമിൽ 1950 എന്ന നമ്പർ വഴി ബന്ധപ്പെടാം.
സിവിജിൽ ആപ്പ് വഴി ലഭിക്കുന്ന പരാതികളും കൺട്രോൾ റൂം നിരീക്ഷിക്കും. തിരഞ്ഞെടുപ്പുമായി ബന്ധപ്പെട്ട് രൂപീകരിച്ച വിവിധ ഏജൻസികളുടെയും സമിതികളുടെയും പ്രവർത്തനങ്ങളുടെ ഏകോപനവും ഇവിടെ നിന്നാണ്. കൺട്രോൾ റൂമിൽ ലഭിക്കുന്ന വിവരങ്ങളും പരാതികളും ബന്ധപ്പെട്ട സമിതിക്ക് ഉടൻ കൈമാറുന്നതിനുള്ള സംവിധാനവും ഒരുക്കിയിട്ടുണ്ട്. എഡിഎംടി ജനിൽ കുമാർ നോഡൽ ഓഫീസറും ഹുസൂർ ശിരസ്താർ ബി പ്രദീപ് അസിസ്റ്റന്റ് നോഡൽ ഓഫീസറുമാണ്.
Read also: ടിപ്പർ ലോറിയും ബൈക്കും കൂട്ടിയിടിച്ച് അപകടം; രണ്ടുമരണം