തിരുവനന്തപുരം: സംസ്ഥാന എഞ്ചിനീയറിങ് പ്രവേശന പരീക്ഷ മാറ്റിവെച്ചേക്കുമെന്ന് റിപ്പോർട്. ഈ മാസം 24ന് നടത്താൻ നിശ്ചയിച്ച പരീക്ഷകളാണ് മാറ്റിവെക്കാന് ആലോചിക്കുന്നത്. ഐഐടി, ജെഇഇ പരീക്ഷകൾ അതേദിവസം നടക്കുന്നതിനാലാണ് പരീക്ഷകള് മാറ്റിവെക്കുന്നതെന്നാണ് സൂചന. അന്തിമ തീരുമാനം ഉടനെടുക്കുമെന്ന് എൻട്രൻസ് കമ്മീഷണറേറ്റ് അറിയിച്ചു.
ജൂലൈ 11ന് തീരുമാനിച്ചിരുന്ന പരീക്ഷ കോവിഡ് വ്യാപനം കണക്കിലെടുത്താണ് 24ലേക്ക് നീട്ടിവെച്ചത്. ഒന്നരലക്ഷത്തോളം വിദ്യാർഥികളാണ് ഇത്തവണ പരീക്ഷക്ക് രജിസ്റ്റർ ചെയ്തിരിക്കുന്നത്. പരീക്ഷ നടത്തിപ്പുമായി ബന്ധപ്പെട്ട നടപടിക്രമങ്ങള് അന്തിമഘട്ടത്തിൽ എത്തിയപ്പോഴാണ് മാറ്റിവെക്കാനുള്ള ആലോചന. അതേസമയം, ജെഇഇ മെയിന് പരീക്ഷയുടെ മൂന്നാം സെഷന് ജൂലൈ 20 മുതല് 25 വരെയും നാലാം സെഷന് 27 മുതല് ഓഗസ്റ്റ് രണ്ടുവരെയുമാണ് നടക്കുക.
Also Read: കേരളത്തിലെ കോവിഡ് നിയന്ത്രണങ്ങൾ തുടരണം; ചീഫ് സെക്രട്ടറിക്ക് കേന്ദ്രത്തിന്റെ കത്ത്