തിരുവനന്തപുരം: സംസ്ഥാനത്ത് ജൂൺ 12ആം തീയതി നടത്താൻ തീരുമാനിച്ചിരുന്ന കേരള എൻജിനിയറിങ്-ഫാർമസി പ്രവേശന പരീക്ഷ മാറ്റിവച്ചു. പുതുക്കിയ തീയതികൾ പിന്നീട് അറിയിക്കുമെന്ന് അധികൃതർ വ്യക്തമാക്കി.
ജൂൺ 12ആം തീയതി ദേശീയ തലത്തിൽ മറ്റ് രണ്ട് പ്രവേശന പരീക്ഷകൾ കൂടി നടക്കുന്നുണ്ട്. ഈ സാഹചര്യത്തിലാണ് കേരള എൻട്രൻസ് പരീക്ഷ മാറ്റിവെക്കാൻ അധികൃതർ തീരുമാനിച്ചത്. ആർക്കിടെക്ചർ ബിരുദ പ്രവേശനത്തിനുള്ള ദേശീയതല അഭിരുചിപരീക്ഷ നാറ്റായുടെ ആദ്യ അവസരവും, ഐഐടി മദ്രാസിലെ 5 വർഷ ഇന്റഗ്രേറ്റഡ് എംഎയ്ക്കുള്ള പ്രവേശന പരീക്ഷയുമാണ് ജൂൺ 12ആം തീയതി നിശ്ചയിച്ചിരിക്കുന്നത്.
Read also: ഹിജാബ് പ്രതിഷേധം; പരീക്ഷ എഴുതാത്തവർക്ക് വീണ്ടും അവസരം നൽകില്ലെന്ന് കർണാടക