കോട്ടയം: ഈരാറ്റുപേട്ടയിൽ നഗരസഭാ ചെയർപേഴ്സൺ സുഹറ അബ്ദുള് ഖാദറിനെതിരെ പ്രതിപക്ഷം കൊണ്ടുവന്ന അവിശ്വാസ പ്രമേയം പാസായി. എസ്ഡിപിഐ അംഗങ്ങൾ അവിശ്വാസ പ്രമേയത്തെ പിന്തുണച്ചു. മുസ്ലിം ലീഗിലെ അംഗത്തിനെതിരായ പ്രമേയം പാസായതോടെ ഈരാറ്റുപേട്ടയിൽ യുഡിഎഫ് ഭരണം പ്രതിസന്ധിയിലായി. യുഡിഎഫിൽ നിന്നും കൂറുമാറിയ കോൺഗ്രസ് അംഗം അൽസന്ന പരീക്കുട്ടിയും വോട്ടെടുപ്പിൽ പങ്കെടുത്തിരുന്നു.
കൗൺസിൽ ഹാളിൽ നടന്ന യോഗത്തിൽ കൊല്ലം നഗര കാര്യ ജോയിൻറ് ഡയറക്ടർ ഹരികുമാർ വരണാധികാരി ആയിരുന്നു. രാവിലെ 11ന് ആരംഭിച്ച ചർച്ചയിൽ നഗരസഭയിലെ 28 അംഗങ്ങളും പങ്കെടുത്തു. അവിശ്വാസം പാസാകാന് 15 വോട്ടുകളാണ് വേണ്ടിയിരുന്നത്. എല്ഡിഎഫിന്റെ ഒമ്പത് അംഗങ്ങള്ക്കൊപ്പം എസ്ഡിപിഐയുടെ അഞ്ച് വോട്ടുകളും കോണ്ഗ്രസ് അംഗത്തിന്റെ ഒരു വോട്ടും കൂടിയായതോടെ അവിശ്വാസം പാസാകുകയായിരുന്നു.
Read also: കിറ്റെക്സിനെതിരെ അന്വേഷണം ആവശ്യപ്പെട്ട് എംഎൽഎമാർ