ന്യൂഡെൽഹി: മികച്ച സേവനം നടത്തിയ പോലീസ് ഉദ്യോഗസ്‌ഥർക്കുള്ള കേന്ദ്ര ആഭ്യന്തര മന്ത്രിയുടെ സ്‌പെഷ്യൽ ഓപ്പറേഷൻ മെഡലിന് കേരളത്തിലെ 8 പോലീസ് ഉദ്യോഗസ്‌ഥർ അർഹരായി.
മലപ്പുറം എസ്‌പി യു അബ്‌ദുൽ കരീം അടക്കമുള്ളവരാണ് പോലീസ് മെഡൽ നേടിയത്. കവളപ്പാറ ദുരന്തഭൂമിയിൽ നടത്തിയ രക്ഷാപ്രവർത്തനത്തിൽ മികച്ച നേതൃത്വം വഹിച്ചതാണ് അബ്‌ദുൽ കരീമിനെ പുരസ്‌കാരത്തിന് അർഹനാക്കിയത്.
Also Read: ഇനി സൗജന്യ ലാബ് പരിശോധനയും മരുന്നും; ഇ-സജ്‌ഞീവനി വിപുലീകരിച്ച് ആരോഗ്യവകുപ്പ്
ഇദ്ദേഹത്തെ കൂടാതെ ഇൻസ്‌പെക്‌ടർമാരായ മനോജ് പറയറ്റ, കെ അബ്ബാസ്, എഎസ്ഐമാരായ ടികെ മുഹമ്മദ് ബഷീർ, എസ്‌കെ ശ്യാം കുമാർ, സിവിൽ പോലീസ് ഓഫീസർമാരായ നിതീഷ് സി സക്കീർ, കെ അബ്‌ദുൽ ഹമീദ് എം എന്നിവരും കേന്ദ്ര ആഭ്യന്തര മന്ത്രിയുടെ പോലീസ് മെഡലുകൾക്ക് അർഹരായി.
