കോഴിക്കോട്: കല്ലായി റയിൽവേ സ്‌റ്റേഷന് അടുത്ത് പാളത്തിൽ സ്‌ഫോടക വസ്‌തു കണ്ടെത്തിയ സംഭവത്തിൽ ഒരാൾ അറസ്‌റ്റിൽ. റയിൽവേ പാലത്തിന് സമീപത്ത് താമസിക്കുന്ന അബ്‌ദുൽ അസീസിനെയാണ് പന്നിയങ്കര പോലീസ് അറസ്‌റ്റ് ചെയ്‌തത്‌. സ്‌ഫോടക വസ്‌തു കണ്ടെത്തിയ പാലത്തിന് തൊട്ടടുത്തായാണ് ഇയാൾ താമസിക്കുന്നത്.
ദിവസങ്ങൾക്ക് മുൻപ് ഈ വീട്ടിൽ നടന്ന കല്യാണത്തോടനുബന്ധിച്ചു ചൈനീസ് പടക്കങ്ങൾ പൊട്ടിച്ചിരുന്നതായി അന്വേഷണത്തിൽ വ്യക്‌തമായിരുന്നു. ഇതിൽ പൊട്ടാത്ത പടക്കങ്ങളാണ് പാലത്തിൽ സൂക്ഷിച്ചതെന്നാണ് പോലീസിന്റെ പ്രാഥമിക നിഗമനം.
ബോംബ് സ്‌ക്വാഡ്‌, ഡോഗ് സ്‌ക്വാഡ്‌, ആർപിഎഫ്, കമ്മീഷണറുടെ നേതൃത്വത്തിലുള്ള പോലീസ് സംഘം എന്നിവരാണ് പരിശോധന നടത്തിയത്. ഇയാളെ ചോദ്യം ചെയ്‌ത്‌ കൂടുതൽ അന്വേഷണം നടത്തുമെന്ന് പന്നിയങ്കര പോലീസ് അറിയിച്ചു.
Read Also: കുതിരാന്‍ തുരങ്കപാത തുറക്കാം; ദേശീയ പാത അതോറിറ്റി
