കാസര്കോട്: ജ്വല്ലറി നിക്ഷേപ തട്ടിപ്പില് പൂക്കോയ തങ്ങള്ക്കെതിരെ ലുക്ക് ഔട്ട് നോട്ടീസ് പുറത്തിറക്കി. പൂക്കോയ തങ്ങള് ഒളിവിലാണെന്നാണ് പ്രത്യേക അന്വേഷണ സംഘം പറയുന്നത്. പൊലീസ് അന്വേഷണം ഊര്ജ്ജിതമാക്കിയിട്ടുണ്ട്.
ഇന്നലെ പ്രത്യേക അന്വേഷണ സംഘം ചോദ്യം ചെയ്യലിന് ഹാജരാകാന് വിളിപ്പിച്ചെങ്കിലും പൂക്കോയ തങ്ങള് എത്തിയിരുന്നില്ല. അറസ്റ്റ് ഭയന്ന് ഒളിവില് പോയെന്നാണ് വിവരം. അതേസമയം, എംസി കമറുദ്ദീനെ രണ്ട് ദിവസത്തെ കസ്റ്റഡിയില് ആവശ്യപ്പെട്ട് പ്രത്യേക അന്വേഷണ സംഘം അപേക്ഷ നല്കി. കാഞ്ഞങ്ങാട് മജിസ്ട്രേറ്റിനാണ് പ്രത്യേക അന്വേഷണ സംഘം അപേക്ഷ നല്കിയത്.
Related News: അറസ്റ്റ് ചെയ്ത നടപടി അന്യായം, കമറുദ്ദീന് രാജിവെക്കണ്ടതില്ല; ലീഗ് തീരുമാനം
കാഞ്ഞങ്ങാട് ജില്ലാ ജയിലില് റിമാന്ഡില് കഴിയുന്ന കമറുദ്ദീന് എംഎല്എയുടെ ജാമ്യഹരജി കാഞ്ഞങ്ങാട് ജില്ലാ കോടതി നാളെ പരിഗണിക്കും. ചോദ്യം ചെയ്യല്ലില് കമറുദ്ദീന് എംഎല്എ നല്കിയ മൊഴിയുടെ വിശദാംശങ്ങളും ഇതിനോടകം പുറത്തു വന്നിട്ടുണ്ട്. ഫാഷന് ഗോള്ഡ് തട്ടിപ്പില് സ്ഥാപനത്തിന്റെ എംഡിയായ പൂക്കോയ തങ്ങള് തന്നെ വഞ്ചിക്കുകയായിരുന്നു എന്നാണ് കമറുദ്ദീന് പറയുന്നത്.