കണ്ണൂര്: ജില്ലയിലെ താണയിൽ വൻ തീപിടുത്തം. ദേശീയ പാതയിലെ ഇരുനില കെട്ടിടത്തിലാണ് തീപിടിച്ചത്. വെകിട്ട് നാല് മണിയോടെ ആയിരുന്നു സംഭവം. പണി പൂർത്തിയായി ഉൽഘാടനം ചെയ്യാനിരുന്ന കെട്ടിടത്തിലാണ് തീപിടിത്തം ഉണ്ടായത്.
ഒന്നാം നിലയിലെ അഞ്ച് മുറികൾ പൂർണമായും കത്തി നശിച്ചു. കഴിഞ്ഞ ദിവസമായിരുന്നു ഹോം അപ്ളൈൻസ് സ്ഥാപനം തുടങ്ങാനിരുന്ന ഈ മുറികളുടെ ഇന്റീറിയർ ജോലികളടക്കം പൂർത്തിയാക്കിയത്.
അപകടം നടന്ന സമയത്ത് കെട്ടിടത്തിൽ ആരും ഉണ്ടായിരുന്നില്ല. കൂടാതെ തീപിടിച്ച സ്ഥാപനത്തിന്റെ തൊട്ടുതാഴെയുള്ള ടിവിഎം ബൈക്കിന്റെ ഷോറൂമിലെ സാധനങ്ങൾ മാറ്റിയതും തൊട്ടുമുകളിലായി തുടങ്ങുന്ന ഇലക്ട്രോണിക് കടയുടെ ഗോഡൗണില് സാധനങ്ങള് എത്തിക്കാതിരുന്നതും വൻ അപകടം ഒഴിവാക്കി.
കണ്ണൂരിൽ നിന്നും മൂന്ന് യൂണിറ്റ് അഗ്നിശമന സേനാ സംഘം എത്തിയാണ് തീയണച്ചത്. കെട്ടിടത്തില് വലിയ നഷ്ടം ഉണ്ടാകാന് ഇടയില്ലെന്നാണ് വിവരം. അതേസമയം എങ്ങനെയാണ് കെട്ടിടത്തിലേക്ക് തീ പടർന്നതെന്ന് വ്യക്തമല്ല.
Malabar News: മെഡിക്കൽ ഷോപ്പ് ഉടമയെ ആക്രമിച്ച കേസ്; ജില്ലയിൽ 2 പേർ പിടിയിൽ