കോഴിക്കോട്: കുന്ദമംഗലം ഗ്രാമപഞ്ചായത്തില്‍ ഫസ്‌റ്റ് ലൈന്‍ ട്രീറ്റ്മെന്റ് സന്റര്‍ ഉടന്‍ ആരംഭിക്കാന്‍ തീരുമാനം. പഞ്ചായത്ത് ഭരണസമിതി തിങ്കളാഴ്‌ച വിളിച്ചു ചേര്‍ത്ത സര്‍വകക്ഷി യോഗത്തിലാണ് തീരുമാനം.
യോഗത്തിൽ കോവിഡ് വ്യാപനം നിയന്ത്രിക്കുന്നതിനുള്ള തീരുമാനങ്ങളും കൈക്കൊണ്ടു. വ്യാപാര സ്‌ഥാപനങ്ങള്‍ രാവിലെ 7 മണി മുതല്‍ രാത്രി 7.30 വരെ മാത്രമേ പ്രവര്‍ത്തിക്കാന്‍ പാടുള്ളൂ. കൂടാതെ കുന്ദമംഗലം കുടുംബാരോഗ്യ കേന്ദ്രത്തിന്റെ ആഭിമുഖ്യത്തിലുള്ള കോവിഡ് പരിശോധന പഞ്ചായത്തില്‍ ഉള്ളവര്‍ക്ക് മാത്രമായി നിജപ്പെടുത്തും. പ്രായമായവര്‍ക്ക് വീട്ടിലെത്തി വാക്‌സിന്‍ കൊടുക്കാനുള്ള സംവിധാനം ഒരുക്കാന്‍ നടപടി സ്വീകരിക്കും. മാത്രവുമല്ല കോവിഡ് പരിശോധന നടത്തുന്ന കേന്ദ്രങ്ങളില്‍ കൂടുതല്‍ സൗകര്യങ്ങള്‍ ഒരുക്കാനും തീരുമാനമായി.
ഗ്രാമ പഞ്ചായത്ത് പ്രസിഡണ്ട് ലിജി പുല്‍കുന്നുമ്മല്‍ അധ്യക്ഷത വഹിച്ച ചടങ്ങ് പിടിഎ റഹിം എംഎല്‍എ ഉൽഘാടനം ചെയ്‌തു.
Malabar News: മൻസൂർ കൊലപാതകം; പ്രതിയുടെ വീടിന് സമീപം നിർത്തിയിട്ട വാഹനങ്ങൾ കത്തിനശിച്ച നിലയിൽ
