മലപ്പുറം: വളാഞ്ചേരി ബാറിന് സമീപത്തുള്ള സ്വകാര്യ കെട്ടിടത്തിലെ മുറിയില്നിന്ന് വില്പനക്കായി സൂക്ഷിച്ച 1143 കുപ്പി ഇന്ത്യന് നിര്മിത വിദേശ മദ്യം പിടികൂടി. സംഭവത്തിൽ കോട്ടയം മീനച്ചില് താലൂക്കില് പൂഞ്ഞാര് സ്വദേശി കല്ലിക്കല് വീട്ടില് ജെന്സണ് മാത്യുവിനെ (37) എക്സൈസ് സര്ക്കിള് ഇന്സ്പെക്ടർ ബി സുമേഷിന്റെ നേതൃത്വത്തിലുള്ള സംഘം അറസ്റ്റ് ചെയ്തു.
വളാഞ്ചേരിയിലെ ബാറിന് സമീപം അനധികൃത മദ്യവില്പന നടക്കുന്നുണ്ടെന്ന രഹസ്യവിവരത്തെ തുടര്ന്ന് തിരൂര്, കുറ്റിപ്പുറം സര്ക്കിള് എക്സൈസ് സംഘം സംയുക്തമായി നടത്തിയ റെയ്ഡിലാണ് മദ്യം പിടികൂടിയത്.
ലോക്ക്ഡൗണ് കാലത്ത് അവധി ദിവസങ്ങളിലും ബാറിന് സമീപമുള്ള കെട്ടിടത്തില് മദ്യം വില്ക്കാറുണ്ടെന്ന് ബോധ്യപ്പെട്ടതായും കൂടുതല് അന്വേഷണം നടത്തുമെന്നും സര്ക്കിള് ഇന്സ്പെക്ടർ വ്യക്തമാക്കി.
പ്രിവന്റീവ് ഓഫിസര്മാരായ പി ലതീഷ്, യൂസഫലി, കുഞ്ഞാലന്കുട്ടി, സിവില് എക്സൈസ് ഓഫിസര്മാരായ കെ ഷിബു ശങ്കര്, പിഇ സുനീഷ്, നിതിന് മാധവന്, മുഹമ്മദലി, ധനേഷ്, ഡബ്ള്യുസിഇഒ ഇന്ദുദാസ്, ഡ്രൈവര് ശിവകുമാര് എന്നിവരും റെയ്ഡിൽ പങ്കെടുത്തു.
Malabar News: മിഠായി തെരുവിൽ ഇന്ന് വഴിയോര കച്ചവടത്തിന് അനുമതിയില്ല