ചണ്ഡീഗഢ്: പഞ്ചാബിലെ സൈനിക കേന്ദ്രത്തിൽ ഉണ്ടായ വെടിവെപ്പിൽ നാല് ജവാൻമാർക്ക് വീരമൃത്യു. പഞ്ചാബിലെ ഭട്ടിൻഡ സൈനിക കേന്ദ്രത്തിലേക്ക് ഇന്ന് പുലർച്ചെ 4.35 ഓടെയാണ് വെടിവെപ്പ് ഉണ്ടായത്. സംഭവത്തെ തുടർന്ന് സൈന്യം സ്‌ഥലം വളഞ്ഞിരിക്കുകയാണ്. സൈനിക കേന്ദ്രം സീൽ ചെയ്‌തതായാണ് റിപ്പോർട്.
ഭീകരാക്രമണമാണോ എന്ന കാര്യത്തിൽ വ്യക്‌തതയില്ല. സൈന്യത്തിന്റെ ദ്രുതകർമസേന സംഭവ സ്‌ഥത്തുണ്ട്. പ്രദേശത്ത് ശക്‌തമായ തിരച്ചിൽ തുടരുകയാണ്. അതിർത്തി സംസ്‌ഥാനം എന്ന നിലയിൽ പഞ്ചാബിലെ എല്ലാ സൈനിക കേന്ദ്രങ്ങളിലും അതിശക്‌തമായ സുരക്ഷയാണ് ഒരുക്കിയിട്ടുള്ളത്.
Most Read: എലത്തൂർ തീവെപ്പ് കേസ്; പ്രതിയെ ഇന്ന് തെളിവെടുപ്പിന് കൊണ്ടുപോകും
