തൃശൂർ: പുത്തൂർ കൈനൂർ ചിറയിൽ കുളിക്കാനിറങ്ങിയ നാല് വിദ്യാർഥികൾ മുങ്ങിമരിച്ചു. തൃശൂർ സെന്റ് തോമസ് കോളേജിലെ മൂന്ന് വിദ്യാർഥികളും സെന്റ് അലോഷ്യസിലെ ഒരു വിദ്യാർഥിയുമാണ് മരിച്ചത്. അബി ജോൺ, അർജുൻ അലോഷ്യസ്, നിവേദ് കൃഷ്‌ണ, സിയാദ് ഹുസൈൻ എന്നിവരാണ് മരിച്ചത്. കുളിക്കുന്നതിനിടയിൽ ഒഴുക്കിൽപ്പെട്ടാണ് അപകടം ഉണ്ടായത്. ഇന്ന് ഉച്ചക്ക് രണ്ടരയോടെയാണ് അപകടം.
അബി ജോൺ സെന്റ് എൽത്തുരത്ത് സെന്റ് അലോഷ്യസ് കോളേജിലെ വിദ്യാർഥിയും മറ്റുള്ളവർ തൃശൂർ സെന്റ് തോമസ് കോളേജിലെ ബിരുദ വിദ്യാർഥികളുമാണ്. ബിബിഎ ഒന്നാം വർഷ വിദ്യാർഥികളാണ് ഇവർ. കോളേജിലെത്തിയ ശേഷം ചിറയിലേക്ക് കുളിക്കാൻ പോയപ്പോഴാണ് അപകടം. ഫയർഫോഴ്‌സ് എത്തിയാണ് മൃതദേഹങ്ങൾ പുറത്തെടുത്തത്.
Most Read| സ്വവർഗ വിവാഹത്തിന് നിയമസാധുത; സുപ്രീംകോടതി വിധി നാളെ
