റിയാദ്: കഴിഞ്ഞ 24 മണിക്കൂറിനിടെ സൗദി അറേബ്യയിൽ 118 പേർക്ക് കൂടി പുതുതായി കോവിഡ് 19 സ്ഥിരീകരിച്ചു. ഇതോടെ രാജ്യത്ത് ആകെ കോവിഡ് സ്ഥിരീകരിച്ചവരുടെ എണ്ണം 3,63,377 ആയി. 7 പേർ കോവിഡ് ബാധിച്ച് മരിച്ചു. ആകെ മരണസംഖ്യ 6,272 ആയി ഉയർന്നു. 144 പേർ രോഗമുക്തി നേടി. 3,54,899 പേരാണ് രാജ്യത്ത് ആകെ കോവിഡ് മുക്തി നേടിയത്.
നിലവിൽ 2,206 പേരാണ് കോവിഡ് ബാധിച്ച് ചികിൽസയിൽ തുടരുന്നത്. ഇതിൽ 351 പേരുടെ ആരോഗ്യനില ഗുരുതരമാണ്. ഇവർ രാജ്യത്തെ വിവിധ ആശുപത്രികളിൽ തീവ്ര പരിചരണ വിഭാഗത്തിൽ ചികിൽസയിലാണ്. ശേഷിക്കുന്നവരുടെ ആരോഗ്യസ്ഥിതി തൃപ്തികരമാണ്. രാജ്യത്തെ കോവിഡ് മുക്തി നിരക്ക് 97.7 ശതമാനവും മരണനിരക്ക് 1.7 ശതമാനവുമായി തുടരുകയാണ്.
റിയാദ് (43), മക്ക (38), കിഴക്കൻ പ്രവിശ്യ (14), അസീർ (7), മദീന (4), വടക്കൻ അതിർത്തി മേഖല (3), തബൂക്ക് (2), ജീസാൻ (3), അൽബാഹ (1), ഹാഇൽ (2),നജ്റാൻ (1), ഖസീം (1) എന്നിങ്ങനെയാണ് കഴിഞ്ഞ ദിവസം സൗദിയിൽ സ്ഥിരീകരിച്ച കോവിഡ് കേസുകളുടെ എണ്ണം.
Read also: കോവിഡ് വ്യാപനം; യുകെയിലെ ഇന്ത്യൻ എംബസി പ്രവർത്തനങ്ങൾ നിർത്തിവെച്ചു