ന്യൂഡെൽഹി: കുതിച്ചുയരുന്ന ഇന്ധന വില ഇന്ത്യയിലെ ജനങ്ങൾക്ക് മേലുള്ള കേന്ദ്ര സർക്കാരിന്റെ ചൂഷണമാണെന്ന് ബിജെപി നേതാവും രാജ്യസഭാ എംപിയും മുൻ കേന്ദ്രമന്ത്രിയുമായ സുബ്രഹ്‌മണ്യൻ സ്വാമി. ട്വിറ്ററിലായിരുന്നു അദ്ദേഹത്തിന്റെ പ്രതികരണം.
“രാജ്യത്ത് പെട്രോൾ വില ലിറ്ററിന് 90 രൂപയിൽ എത്തിയിരിക്കുന്നു. ഇത് രാജ്യത്തെ ജനങ്ങൾക്ക് മേലുള്ള കേന്ദ്ര സർക്കാരിന്റെ ചൂഷണമാണ്. ശുദ്ധീകരിക്കാത്ത എണ്ണയുടെ വില ലിറ്ററിന് 30 രൂപയാണ്. അങ്ങനെ വരുമ്പോൾ, എല്ലാ തരം നികുതിയും പെട്രോൾ പമ്പുകളുടെ കമ്മീഷനുമാണ് ബാക്കി വരുന്ന 60 രൂപ. എന്റെ കാഴ്‍ചപ്പാടിൽ പെട്രോൾ ലിറ്ററിന് 40 രൂപ നിരക്കിൽ വിൽക്കാൻ സാധിക്കും,”- അദ്ദേഹം ട്വീറ്റ് ചെയ്‌തു.
Petrol price at Rs. 90 per litre is a monumental exploitation by GoI of the people of India. The price ex-refinery of petrol is Rs. 30/litre. All kinds of taxes and Petrol pump commission add up the remainder Rs.60. In my view petrol must sell at max. Rs. 40 per litre.
— Subramanian Swamy (@Swamy39) December 7, 2020
രാജ്യത്ത് ഇന്ധന വില കുതിച്ചുയരുകയാണ്. നവംബർ 20നു ശേഷം വലിയ വർധനയാണ് ഉണ്ടായിരിക്കുന്നത്. കഴിഞ്ഞ രണ്ട് വർഷത്തെ ഏറ്റവും ഉയർന്ന നിരക്കിലാണ് ഇന്ധനവില കഴിഞ്ഞ ദിവസം എത്തിയത്.
Also Read: ‘കെജ്‌രിവാളിന് നെല്ലും ഗോതമ്പും തിരിച്ചറിയില്ല’; വിമർശനവുമായി അമരീന്ദർ സിംഗ്
