തിരുവനന്തപുരം: ഇന്ധന-പാചക വാതക വില വർധനവിനെതിരെ യുഡിഎഫ് സംസ്ഥാന വ്യാപക കുടുംബ സത്യഗ്രഹം സംഘടിപ്പിച്ചു. പ്രതിപക്ഷ നേതാവ് വിഡി സതീശൻ, കെപിസിസി അധ്യക്ഷൻ കെ സുധാകരൻ, യുഡിഎഫ് കൺവീനർ എംഎം ഹസൻ എന്നിവരടക്കമുള്ള നേതാക്കൾ വീടുകളിൽ കുടുംബത്തോടൊപ്പം ഒരു മണിക്കൂർ സത്യഗ്രഹം നടത്തി. ഇന്ന് രാവിലെ 10 മണി മുതൽ 11 മണി വരെയായിരുന്നു സത്യഗ്രഹ സമരം.
ഇന്ധനത്തിന് എല്ലാ ദിവസവും വില കൂട്ടുന്ന കേന്ദ്രത്തോടൊപ്പം അധിക നികുതി കുറക്കാതെ സംസ്ഥാന സർക്കാരും ജനത്തെ കൊള്ളയടിക്കാൻ കൂട്ടുനിൽക്കുകയാണെന്ന് യുഡിഎഫ് നേതാക്കൾ കുറ്റപ്പെടുത്തി. സംസ്ഥാനത്തെ അഞ്ച് ലക്ഷത്തോളം വീടുകളിൽ കോവിഡ് മാനദണ്ഡങ്ങൾ പാലിച്ചുകൊണ്ടായിരുന്നു സമരം.
Read also: കിറ്റെക്സിനെ കർണാടകയിലേക്ക് ക്ഷണിച്ച് കേന്ദ്രമന്ത്രി രാജീവ് ചന്ദ്രശേഖർ