ന്യൂഡെൽഹി: കിറ്റെക്‌സ് ഗ്രൂപ്പിനെ കർണാടകയിലേക്ക് ക്ഷണിച്ച് കേന്ദ്രമന്ത്രി രാജീവ് ചന്ദ്രശേഖർ. കിറ്റെക്‌സ് എംഡി സാബു ജേക്കബുമായി സംസാരിച്ചുവെന്നും വ്യവസായം ആരംഭിക്കാൻ എല്ലാ വിധ പിന്തുണയും വാഗ്‌ദാനം ചെയ്യുന്നു എന്നും രാജീവ് ചന്ദ്രശേഖർ ട്വീറ്റ് ചെയ്‌തു. മുഖ്യമന്ത്രി യെദ്യൂരപ്പയുടെ പിന്തുണയോടെ കിറ്റെക്‌സ് ഗ്രൂപ്പിന് കർണാടയിൽ നിക്ഷേപം നടത്താനുള്ള അവസരം ഒരുക്കുമെന്നും കേന്ദ്രമന്ത്രി പറഞ്ഞു.
അതേസമയം, പരിശോധനകളുടെ പേരില്‍ ബുദ്ധിമുട്ടിക്കില്ലെന്ന്‌ തെലങ്കാന വ്യവസായ വകുപ്പ് മന്ത്രി കെടി രാമറാവു കിറ്റെക്‌സിന് ഉറപ്പ് നൽകി. തെലങ്കാനയില്‍ നിക്ഷേപം നടത്തിയാൽ മനസമാധാനത്തോടെ വ്യവസായം നടത്താന്‍ അന്തരീക്ഷം ഒരുക്കുമെന്നും രാമറാവു പറഞ്ഞു. തെലങ്കാനയില്‍ ആദ്യഘട്ടത്തില്‍ ആയിരം കോടി രൂപയുടെ പദ്ധതിയാണ് കിറ്റക്‌സ് പ്രഖ്യാപിച്ചിരിക്കുന്നത്.
Read also: എം ശിവശങ്കറിന്റെ സസ്‌പെൻഷൻ കാലാവധി നീട്ടി
